Ndërkohë nuk mund të themi të njëjtën gjë për Italinë, e cila u kthye në një nga vatrat më problematike në Europë por dhe në botë, ku u shënuan mijëra viktima për shkak të COVID19.

Këtë fakt e ka komentuar së fundmi edhe kryetarja e Lëvizjes Socialiste për Integrim Monika Kryemadhi.

E ftuar në programin “Open” ajo ka treguar ‘sekretin’ se përse Shqipëria ka më pak raste të COVID19 ndërsa Italia kryesisht ajo e veriut ka qenë një nga zonat më të prekura.

Ajo tha se gjithçka varet nga mënyra e jetesës, e për të në Shqipëri ka më pak raste, pasi të gjithë hanë mish, hudhra e pinë raki.

“Po e dini ju pse ka më shumë raste në Lombardi e më pak në Shqipëri. Ua them unë, sepse  në Itali qytetarët hanë vetëm karboidrate gjithë ditën e nuk punojnë, ndërsa në Shqipëri ne hamë mish, pimë raki e hamë hurdhra. Këto ndryshime në mënyrën e jetesës janë shumë efketive në luftën kundër COVID-19”, deklaroi Kryemadhi.

The post Habit Kryemadhi/ Tregon ‘sekretin’ që shpëtoi shqiptarët nga koronavirusi: Ne pimë raki e hamë hudhra… appeared first on Fast News Economy.

Shifrat e të infektuarve tashmë flasin për një rritje të numrit të të prekurve.

Ditën e sotme aty u konfirmuan 4 raste të reja, ku njëra prej tyre ishte punonjëse fasonerie dhe 3 të tjerë të afërm të të prekurve të mëparshëm.

Deri më tani, numri i të prekurve me COVID19 në Krujë ka shkuar në 114.

Në lidhje me këtë fenomen ka folur dhe mjeku radiolog i spitalit të qytetit Adrian Mata, ku ka ngritur alarmin se ky qytet po bëhet një Wuhan i vogël.

Gjatë një interviste për ABC News, ai shprehet i shqetësuar që asnjë sugjerim i tij nuk po merret seriozisht nga autoritetet e larta të shëndetësisë.

Mata kërkon që të kryhen më shumë tamponë dhe mbi të gjitha të vendosen rregulla të reja për karantinimin e të infektuarve, pasi virusi po përhapet me shpejtësi dhe tek familjarët e punonjësve të fasonerive.

“Kruja po bëhet një Wuhan i vogël. Kërkoj të vazhdojnë tamponët, por ajo që unë këmbëngul dhe shikoj me problematike është karantinimi. Në një familje kur rezulton një i prekur me një dhomë dhe një kuzhinë nuk ka si mund të karantinohen të tjerët. Nga ajo familje njëri del në qytet duke thyer dhe rregullat e distancimit dhe bëhet burim vatre infeksioni.

A parashikon mjeku shtim të rasteve me koronavirus në Krujë?

“Po, n.q.s se do ketë tamponime rastet do të jenë prezente. Po tamponohen më shumë ata që janë me probleme siç janë me temperaturë dhe dhimbje koke”, deklaroi mjeku.

The post “Kruja po bëhet një Wuhan i vogël” Mjeku i njohur ngre alarmin appeared first on Fast News Economy.

Bëhet fjalë për shtetasin me iniciale M.S, i cili ishte shtruar në repartin e reanimacionit në Spitalin e Shkodrës prej 5 ditësh dhe vuante nga hemoragjia celebrale.

Ndërsa detaji që bie në sy është se mëngjesin e sotëm i ishte marrë tamponi dhe ka dalë pozitiv me COVID19.

Shkodra është kthyer në një nga qytetet më të prekura në Shqipëri ku deri më tani numërohen 70 të infektuar.

The post E rëndë/ Koronavirusi i merr jetën 45-vjeçarit nga Shkodra appeared first on Fast News Economy.

Radio Evropa e Lirë ka pyetur një prej virologëve më të mirë në botë, se çfarë në të vërtetë ka ndodhur.

Kur kjo fotografi ishte bërë më 29 prill të vitit 2003, bota ka qenë në mesin e asaj që kishte kërcënuar të kthehej në pandeminë e parë të shekullit 21. SARS-i ka qenë koronavirus i ri, që ka lënë të vdekur 10 për qind të njerëzve që ka infektuar, kryesisht për shkak të bllokimit të mushkërive me ujë.

Viruset mund të barten prej kafshëve në njerëz përmes inhalimit të frymëmarrjes së kafshës, ngrënies së mishit të helmuar apo shkëmbimit të lëndëve trupore, siç mund të ndodhë kur një kasap punon me dorën e plagosur.

Një bartje e tillë e infektimit në mes të gjallesave është e zakonshme, mirëpo koronavirusi që ka infektuar pacientin zero me SARS më 2002, ka zhvilluar diçka që mund të shkaktojë kërdi globale: aftësinë për të kaluar shumë lehtë në njerëz.

Teksa dhjetëra, më vonë edhe qindra persona në Kinë kanë vdekur nga sëmundja e re, Partia Komuniste në pushtet ka nisur të fshehë krizën në stilin e tragjidisë së Çernobilit. Mjekët janë shtypur derisa udhëtimet janë kryer pa kontrolle shtesë.

Më 21 shkurt të vitit 2003, mjeku kinez, Liu Jianlun, i cili fshehur ka trajtuar pacientët me këtë sëmundje, e cila më vonë ka marrë emrin SARS, ka udhëtuar nga Guangdongu në Hong Kong për të marrë pjesë në një dasmë. Pasi ka hyrë në dhomën e tij në katin e nëntë të hotelit, situata me temperaturën që ka pasur, i është përkeqësuar. Më vonë ai është shtruar në spital me simptoma të theksuara të virusit ndërkohë që shumë turistë që kanë qëndruar në Hotelin Metropol veçse ishin infektuar, me siguri si rezultat i vjelljes së mjekut Liu në hapësirat e hotelit. Ai ka vdekur më 4 mars, pasi u ka pranuar mjekëve tjerë se është përballur me një shpërthim të çuditshëm të një virusi në Kinë.

Autoritetet në Hong Kong kanë vepruar shpejt për të parandaluar përhapjen e virusit, mirëpo derisa është aktivizuar alarmi, shumë mysafirë të hotelit veçse ishin larguar dhe pa vetëdije kanë bartuar virusin në vendet e tyre.

Një grua në moshë është larguar nga hoteli për në Kanada më 23 shkurt, dhe ka përqafuar djalin e saj. Në më pak se tri javë, të dy kanë vdekur dhe Kanadaja është kthyer në një nga qendrat e përhapjes së viursit në botë.

Edhe mysafirët tjerë të hotelit nga Vietnami dhe Singapori kanë bartur virusin në vendet e tyre, duke ndihmuar në shpërthime tjera në botë. Deri në qershor të vitit 2003, të paktën 774 persona kanë vdekur nga virusi. Dhe më vonë virusi është ndalur.

Profesori i Virologjisë, John Oxford i ka thënë Radios Evropa e Lirë se arsyeja pse shpërthimi i virusit SARS më 2003 ka përfunduar me më pak se 1 për qind të vdekjeve të sëmundjes COVID-19, ka të bëjë shumë me fat.

“Mendoj se dy viruset janë shumë të ndryshme”, ka thënë Oxford.

“Ne kemi qenë shumë me fat në aspektin e virusit SARS më 2003. Nuk është përhapur as afër në përmasat e (sëmundjes Covid-19)”, ka thënë ai. Por me masa të ashpra të kufizimit, ai është ndalur në shumicën e shteteve kur është shfaqur dhe “më pas nuk ka infektuar njerzit, vetëm është zhdukur”, ka thënë ai.

Profesori Oxford ka thënë se është vështirë që të mësohet pse koronavirusi që ka shkaktuar pandeminë e fundit ka kapacitet që të përhapet kaq lehtë:

“Pse një lloj i qenit ka këmbë të shkurtra dhe një tjetër lloj i qenit ka këmbë më të gjata? Ky është evoluim. (Koronavirusi i ri) është shpërndarë shumë më shpejt, ka shkaktuar shumë infeksione pa simptoma e shumë vdekje. Ka karakteristika të ndryshme”.

Studimi i fundit në Kinë ka sugjeruar se dallimi i koronavirusit të ri nga të kaluarit qëndron të aftësia e infektimit nga një person në tjetrin edhe kur nuk ekzistojnë simptoma, ose siç ka thënë edhe profesori Oxford, bartja e infektimit pa vetëdije. Pacientët që janë infektuar me virusin SARS më 2003 kanë qenë tejet të sëmurë, andaj edhe u kanë dhënë punëtorëve shëndetësorë kohë për të izoluar pacientin e infektuar.

Cilado që do të jetë arsyeja e konfirmuar e përhapjes së koronavirusit të ri në botë, Oxford ka thënë se sëmundja Covid-19 është më dinamike sesa SARS-i i vitit 2003 që ka qenë më vdekjeprurës por më pak infekues.

“Unë dyshoj se do të vazhdojë të ketë këto karakteristika”, ka shtuar ai.

Radio Evropa e Lirë

The post Zbulohet arsyeja: Ja pse SARS në 2003 ka shkaktuar më pak vdekje se koronavirusi i ri appeared first on Fast News Economy.

Të dhënat i ka bërë të ditur zv.ministrja e Shëndetësisë në një dalje publike, ku ka komunikuar se numri total i të prekurve nga COVID19 ka shkuar në 304.

“Në 24 orët e fundit janë testuar 112 persona të dyshuar, prej të cilëve janë konfirmuar 27 raste të reja me COVID-19.

Deri në këto momente janë testuar 2031 raste të dyshuara dhe prej tyre janë të konfirmuar pozitivë me COVID-19, 304 raste. Mosha mesatare e rasteve pozitive me COVID-19 është 50 vjeç.

Lajmi i mirë është që gjatë 24 orëve të fundit kemi 13 pacientë të shëruar duke e çuar numrin e të shëruarve nga COVID-19 në 89.

Ju informojmë se, në shërbimin infektiv aktualisht janë 73 të shtruar. 7 prej tyre janë në terapi intensive ndërsa 2 nga këta janë të intubuar. Pjesa tjetër e të shtruarve në pavion janë në gjendje të stabilizuar deri në këto momente.
Gjatë orëve të para të mëngjesit janë transportuar në spitalin COVID2 “Shefqet Ndroqi”, 3 paciente nga spitali Infektiv.
Aktualisht në spitalin COVID 2 “Shefqet Ndroqi”, i cili do të ndjekë rastet e rënda me insufiçencë respiratore covid pozitiv, janë 4 pacientë të shtruar, 2 prej të cilëve në gjendje të rënduar (të intubuar).

Në dy spitalet COVID aktualisht po marrin shërbim 81 pacientë.

Harta e të prekurve nga COVID-19 zgjerohet në Tiranë, Durrës, Fier, Kavajë, Lezhë, Mirditë dhe Shkodër.
Shpërndarja gjeografike e rasteve pozitive, është si vijon:

– Tiranë 146 raste
– Durrës 32 raste
– Lushnje 4 raste
– Elbasan 8 raste
– Fier 25 raste
– Kavajë 8 raste
– Rrogozhinë 2 raste
– Korçë 16 raste
– Vlorë 5 raste
– Shkodër 22 raste
– Lezhë 11 raste
– Berat 1 rast
– Has 8 raste
– Krujë 5 raste
-Tropojë 4 raste
– Pukë 4 raste
– Mirditë 3 raste

Sic shihet, nga rastet e reja të 24 orëve të fundit, Shkodra ka numrin më të lartë me 12 raste. Këto raste janë identifikuar në dy rrethe familjare, mes tyre është dhe një fëmijë 13-vjeçar, që janë identifikuar falë gjurmimit të rasteve të kryera nga epidemiologët ne terren.
Kjo rritje e numrit të rasteve në Shkodër tregon edhe njëherë mos respektimin e distancimit social dhe masave të kontrollit të infeksionit që Ministria e Shëndetësisë vijon të rekomandojë çdo ditë ne komunikimet publike.
Aktualisht po kryhet hetimi epidemiologjik në terren edhe me një ekip të Institutit të Shëndetit Publik.
Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.”, u shpreh Rakacolli.

The post Konfirmohen 27 raste të reja, rritet ndjeshëm numri i të prekurve me koronavirus në Shqipëri appeared first on Fast News Economy.