Familja thotë se, ekipi mjekësor ka mbërritur me vonesë në banesën e tij në Londër, ndërsa në orën 01: 00 pas mesnatës është transportuar me urgjencë në spital, të datës 2 prill në Londër. Që prej atij momenti, i cili ka qenë kontakti i fundit me familjarët, të cilëve Ledi i dërgoi foton e fundit, nga spitali, 42-vjecari ka rënë në gjendje koma dhe nuk është përmendur 11 ditë me radhë. Vëllai i tij Eldin Skuraj sqaron më tej për Report TV, në një bisedë telefonike, se gjatë gjithë kohës ka patur informacione kontradiktore që vinin nga bluzat e bardha atje, ndërsa ende nuk po mësohej mbi gjendjen shëndetësore të të vëllait. Një herë për mjekët gjendja ishte stabël dhe herë të tjera probleme me frymëmarrjen. Kjo ka ngritur dyshimin tek familjarët se 42-vjecari nuk ka patur kujdesin e duhur mjekësor.

Një natë më parë mjekët i thanë që gjendja ishte stabël dhe më pas se mungesa e oksigjenit i kishte dëmtuar trurin. Pas kësaj, sic thotë edhe i vëllai Eldin Skuraj 11 ditë pas qëndrimit në koma, mjekët i hoqën aparaturat, ndërsa Ledi Skuraj ndërroi jetë të shtunën në spital. I vëllai thotë se nuk vuante nga sëmundje të tjera, por se ishte duhanpirës. Ai la pas një djalë dhe një vajzë, ndërsa trupi i tij gjendet ende në spitalin North Middlesex University në Londër. Pjesa tjetër e familjes nëna dhe babai kanë hapur dyert e mortit në qytetin e Lezhës, pa trupin e të birit, që do të varroset në Angli. I vëllai ka hapur një donacion ndihme për familjen e të ndjerit për këdo emigrant që kërkon ta ndihmojë pas kësaj tragjedie familjen Skuraj në Londër.

The post “Mjekët ia hoqën aparaturat para kohe”/ Humbi jetën nga koronavirusi, vëllai ngre dyshimet e forta: Mjekët ishin kontradiktiktorë appeared first on Fast News Economy.

Shërbimi vullnetar i një familjeje myslimane që shpërndajnë pako ushqimore në dyert e fqinjëve të izoluar, ka mahnitur banorët e Sudbrooke, një fshat i vogël në rrethin West Lindsey të Britanisë.

“Paçi një ditë të mbarë” dhe “ruajeni veten” janë mesazhet e shkruara në dy paketat ushqimore të dorëzuara në pragun e 66-vjeçares Pauline Loven, një historiane e njohur e kostumeve dhe producente e filmave të trashëgimisë.

E vetizoluar në shtëpi në fshatin e saj, 9.6 kilometra në veriperëndim të qytetit Lincoln, për shkak të koronavirusit, Loven tha për “AA” përmes e-mailit se ajo ishte prekur thellë nga akti i bamirësisë së fqinjes së saj myslimane Ghana, të cilën ajo e kishte takuar vetëm një herë shumë muaj më parë.

Dy javë më parë, kur vendi vendosi masat, Ghana la një shënim nën dyeret e të gjithëve në lagje, duke u ofruar të bëjë pazare, të sjellë ilaçe ose të bisedojnë miqësisht në telefon.

“Ne biseduam përmes xhamit të derës së përparme, kështu që ajo e dinte që ne jemi të izolouar”, -tha Loven, e cila gjithashtu vuan nga astma.

“Disa ditë më vonë, Ghana dhe djali i saj adoleshent lanë një pako në një qese letre. Ajo kishte vënë doreza plastike për mbrojtje. Ajo përmbante mandarina, domate, tranguj dhe dy lëngje frutash të freskëta. Më vonë e kuptova se kjo ishte vitaminë C për të përmirësuar sistemin imunitar. Aty gjithashtu kishte dezinfektues për duar”, shtoi Loven.

Pasi e pyeti përmes derës se çka i detyrohet fqinjit të saj për këtë bujari, Loven tha se dëgjoi fjalët më të çmuara: “Asgjë. Ti je fqinji im dhe ti je familja ime”.

“U preka jashtëzakonisht. Ajo kujdeset edhe për shumë njerëz që jetojnë të izoluar në rrugën tonë. Mezi po pres ta takoj ashtu siç i ka hije pasi të përfundojë e gjithë kjo”, tha Loven.

Loven tha edhe pse ishte angleze, kishte “fatin e mirë” se një pjesë të jetës e kishte kaluar në Jemen dhe Qipro. Prandaj, ajo vlerëson ndërlidhjen e njerëzve pavarësisht racës, kulturës apo besimeve, duke e përshkruar atë si “një gjë tepër të çmuar”.

“Jam pasuruar pa masë nga një fëmijëri e tillë,” tha ajo, duke shtuar se të gjithë mund të kontribuojmë për ta bërë botën një vend më të mirë për njëri-tjetrin.

Producentja e filmit dhe historianja e kostumeve nënvizoi se pandemia COVID-19 i ka dhënë shumë mësime njerëzimit.

Ajo gjithashtu shprehu shpresën se mund të gjendet një rrugëdalje, pas gjithë kësaj, për një “ekuilibër më të mirë” midis nevojave të ekonomisë, njerëzve dhe qëndrueshmërisë së planetit.

The post Historia e bukur në kohë koronavirusi/ Shërbimi vullnetar i familjes myslimane prek dhe mahnit një fshat të tërë appeared first on Fast News Economy.