Ngjarja ndodhi pasditen e 27 prillit në Durrës, në zonën e njohur si tregu i automjeteve, ndërkohë është zbardhur dhe dosja e Prokurorisë lidhur me hetimet përkatëse.

Brenda në dosjen hetimore që mban firmën e prokurorit Gëzim Veizi, thuhet se trupat e pajetë të dy vëllezërve, Besmir dhe Viktor Haxhia janë gjetur në makinën me të cilën ata udhëtonin, tip “Golf VI” me targa AA716ZZ.

“Nga kqyrja e vendit të ngjarjes, mbi asfalt në afërsi pranë mjetit është gjetur një sasi prej 55 gëzhoja arme model 56”, thuhet në dosje, ku theksohet ndër të tjera se mjeti ka marrë dëmtime të shumta.

“Në kqyrjen e kufomave, ka rezultuar se në trupin e tyre konstatohen dëmtime të shkaktuara nga arma e zjarrit në pjesë në trupit dhe kokës”, thuhet në dosjen e Prokurorisë, bazuar në provat e mbledhura në vendin e ngjarjes.

Dosja e Prokurorisë thekson më tej se automjeti i viktimave është ndjekur nga pas nga makina “Toyota” e autorëve. Në momentin e parakalimit, të drejtim të makinës “Golf VI”, është qëlluar me armë zjarri kallashnikov. Policia gjeti ditën e djeshme tre armë kallashnikov dhe automjetin e përdorur në atentat.

The post Detaje tronditëse/ Zbardhet dosja e Prokurorisë: Ja si u vranë dy vëllezërit Haxhia appeared first on Fast News Economy.

Seanca ndaj dy të pandehurve Altin Ndoci dhe bashkëpunëtorin e tij  22-vjeçarin me inicale K.A, zhvillua nën masat e rrepta të sigurisë.

Mësohet se Prokuroria ka kërkuar “arrest me burg” për të dy.

Kanë qenë tabulatet telefonike, por edhe bashkëpunimi i 22-vjeçarit me policinë zbardhën dy ngjarjet e rënda kriminale që tronditën Durrësin në harkun e 2 muajve, ngjarje këto që ndodhën për prishjen e pazareve të drogës.

Kujtojmë se dy vëllezërit Haxhia u ekzekutuan pasditen e 29 prillit brenda makinës së tyre “Voklsëagen”, me 55 plumba.

Besmir dhe Viktor Haxhia u vranë tek parku i tregut të makinave në Durrësit, aty ku kishin edhe një biznes të tyre.

Në një prononcim të shkurtër pas përfundimit të seancës, avokati i Altin Ndocit, Saimir Visha tha se klienti i tij është shokuar për këto akuza pasi nuk ka prova për krimin.

Ai deklaroi se Ndoci kishte lidhje familjare dhe shoqërore me viktimat, madje shkoi dhe në varrim.

“U zhvillua me masa të rrepta sigurie, bëhet fjalë për një ngjarje të rëndë. Në lidhje me mbrojtjen, ai shprehet se nuk e ka kryer, nuk u paraqit asnjë provë nga prokuroria, ndihet i shokuar se dy viktimat i ka pasur lidhje miqësore dhe familjare. Ka shkuar edhe në varrim edhe për të tretat, dhe ndihet i shokuar pse e vendos gishtin policia dhe të tjerat.

Nuk është autori i veprës penale. Gjykata nisur nga vepra e rëndë përcaktoi arrest me burg. Kam kërkuar që të ketë një provë, është e tmerrshme që të caktosh arrest me burg pa asnjë provë. Prova për Altin Ndocin nuk ka”, u shpreh Visha.

The post Vrasja e dy vëllezërve në Durrës, ja çfarë vendosi gjykata për autorët e dyshuar appeared first on Fast News Economy.