Në mesazhin e tij në rrjetet sociale për këtë takim, Basha shkruan se i porositi drejtuesit lokal që në këto ditë të vështira të jenë zëri i qytetarëve në nevojë.

Më tej Basha thotë se shqiptarët në këto ditë kanë më shumë se kurrë për një zë që t’i dëgjojë dhje t’i ndihmojë për të gjetur zgjidhje.

“Sot bisedova përmes disa videokonferencave me drejtuesit dhe përfaqësuesit e Partisë Demokratike në të gjithë Shqipërinë, lidhur me situatën e rëndë që po kalon vendi.  E përbashkëta kudo është që qytetarët janë në vështirësi për të siguruar jetesën e përditshme. Shteti ka lënë në harresë mijëra familje në nevojë dhe biznese. Shumica nuk kanë marrë akoma asnjë ndihmë apo mbështetje nga qeveria, ndërkohë që ju duhet të paguajnë edhe faturat e rritura të dritave dhe ujit. Ne do vazhdojmë të jemi në kontakt me njerëzit per t’ju dhënë zë problemeve dhe halleve të tyre në këto ditë të vështira.

Pa asnjë vonesë, qeveria duhet të shpërndajë fondet e mbijetesës dhe të përfshijë menjëherë të gjithë familjet dhe njerëzit në nevojë. Të mbështesë sipërmarrjen në vështirësi mbijetese, biznesin e vogël, fermerët, fasonët, bizneset prodhuese dhe turizimin, pa përjashtuar askënd.  Shqiptarët që kanë paguar këto 7 vjet taksat ndër më të lartat në rajon, kanë sot nevojë për ndihmën që ju takon nga shteti. Qeveria nuk mund t’i fshihet përgjegjësisë”, shkroi Basha.

Vlen të theksojmë se kjo mbledhje e Bashës me drejtuesit lokal vjen pas asaj që ai bëri me aleatët e opozitës vetëm 2 ditë më parë.

The post Mbledhje online, zbardhen porositë e Bashës për drejtuesit e PD në rrethe appeared first on Fast News Economy.