Në grafikun bashkëngjitur janë renditur disa vende në zhvillim dhe ato të zhvilluara në të gjitha kontinentet dhe mundësitë që ata kanë që nëpërmjet mirëqeverisjes të reduktojnë shpenzimet publike për infrastrukturën rrugore, duke marrë të njëjtin produkt.

Pozicioni i Shqipërisë në grafik është pas vendeve afrikane dhe potencialet e saj për të kursyer nga shpenzimet aktuale publike në infrastrukturën rrugore nga qeverisja e mirë janë rreth 60%, për të njëjtën gjatësi rruge.

Potencialet më të larta për kursim i ka Haiti, me 90% të shpenzimeve aktuale, ndërsa më të ulëtat Zelanda e Re, Portugalia, Nigeria etj.

Ekspertët vërejnë se kursimet bëhen me reforma ambicioze të qeverive.

Nga përmirësimi i qeverisjes në çdo vend, duke zbatuar kodin e investimeve në infrastrukturë, modeli i përshkruar në studim vërtetoi se, shpenzimet mund të zvogëlohen duke mbajtur të njëjtën cilësi të shërbimit të transportit.

Studimi thotë se kursimet relative janë më të larta për vendet me cilësi të dobët të qeverisjes, dhe më të ulëta në vendet me qeverisje të mirë (si Zelanda e Re) dhe në vendet me shpenzime të ulëta për rrugë (siç është Nigeria).

Studimi mbuloi shpenzimet për investime në sektorin e transportit për 57 vende me të ardhura të mesme dhe të larta gjatë viteve 1995–2016, ku përfshihej edhe Shqipëria.

Gati 44% e besueshmërisë me cilësinë e investimeve lidhet me politikat e qeverisë.

Gjetjet theksojnë se performanca e sistemit të transportit rritet 6 herë më shpejt nga qeverisja e mirë se nga rritja e shpenzimeve.

The post Studimi i Bankës Botërore: Duke qeverisur mirë, Shqipëria mund të kursejë 60% të fondeve për investimet në rrugë appeared first on Fast News Economy.

Institucioni financiar ndërkombëtar ka qenë në të njëjtën linjë me FMN, teksa kërkon kujdes me këto kontrata koncensionare. Nëpërmjet një qëndrimi të detajuar në faqen zyrtare në Facebook, zyra e Bankës Botërore në Tiranë kërkon një menaxhim më të mirë të risqeve fiskale.

Pjesë e kërkesave të saj është edhe monitorimi i vazhdueshëm i performancës së këtyre kontratave koncesionare nga Ministria e Financave dhe Ekonomisë. Kjo e fundit, sipas Bankës Botërore, duhet të mbledhë informacion në mënyrë sistematike lidhur me këto kontrata.

Krahas këtyre elementëve, transparenca e shtuar si dhe ndërhyrja në kohë në rastet kur privati nuk po përmbush detyrimet, janë disa kërkesa të tjera të institucionit ndërkombëtar mbi PPP-të. Burimi:a2cnn.com

The post Banka Botërore i tërheq vëmendjen qeverisë për PPP-të appeared first on Fast News Economy.