Fast News Economy angli - Tag: angli

Arrestohet shqiptari në Angli/ Tubat e ujit e marrin në qafë, ja si ‘e fundosi’ policia

Fast News — Fri, 24 Apr 2020 18:59:08 +0000

Policia në Angli ka arrestuar një shqiptar, pasi akuzohet se ishte përfshirë në rritjen e Kanabisit në një shtëpi që u zbulua pasi një tubë shkarkimi nxirrte pa pushim ujë.

Komshinjtë këtë e kanë raportuar si një defekt por punonjësit e ujësjellësit të ardhur për të parë problemin kanë konstatuar se shtëpia ishte modifikuar për rritje kanabisi.

Policia gjeti 140 rrënjë kanabis dhe arrestoi shqiptarin Gentjan Korra i cili do të gjykohet me datë 22 Maj.

The post Arrestohet shqiptari në Angli/ Tubat e ujit e marrin në qafë, ja si ‘e fundosi’ policia appeared first on Fast News Economy.

Kishin kthyer shtëpinë në ‘fabrikë’ kanabisi/ Dënohen gjashtë shqiptarët në Angli

Fast News — Wed, 05 Feb 2020 19:23:47 +0000

Gjashtë shqiptarët të cilët kthyen shtëpinë me qera në fabrikë kanabisi në Gloucester janë dënuar me burg.

Mediat britanike shkruajnë Gjykata në Angli vendosi një vit burg për Xhuljano Bircaj, 10-të muaj burg për Enea Selën dhe Glen Ramin si dhe nga 11-të muaj burg për Ervin Bajraktarin, Besmir Bajraktarin dhe Andi Selin.

Për herë të parë sinjalizimi për një fabrikë kanabisi në Gloucester u dha më pesë dhjetor 2019-të në Policinë angleze nga qytetarët, të cilët shqetësoheshin nga era e rëndë.

Disa ditë më pas u zbulua se gjashtë shqiptarët kishin ngritur një fabrikë kanabisi në Gloucester, në një shtëpi me qera dhe u arrestuan disa ditë më pas. Ata kultivonin 500 rrënjë brenda banesës.

Të gjashtë shqiptarët rezultuan se kishin hyrë ilegalisht në Angli dhe merreshin me këtë aktivitet. Më pas u zbulua se ata ishin thjesht punëtorë të thjeshtë dhe kur merrnin urdhërat nga eprorët i vinte mesazhi ‘Prisni lulet’ . Prandaj dhe grupi u dënua gjithsej me pesë vite e shtatë muaj burg.

The post Kishin kthyer shtëpinë në ‘fabrikë’ kanabisi/ Dënohen gjashtë shqiptarët në Angli appeared first on Fast News Economy.

Marrëveshje gjithëpërfshirëse pas ‘Brexit’: Anglia do të ndjekë shembullin e Kanadasë

Fast News — Mon, 03 Feb 2020 22:22:20 +0000

Kryeministri Boris Johnson ka thënë se kur bëhet fjalë për marrëveshjen e tregtisë me BE-në pas Brexit: “Ne duam një marrëveshje gjithëpërfshirëse të tregtisë së lirë, e ngjashme me atë të Kanadasë”.

Marrëveshja e BE-së me Kanadanë quhet Marrëveshja Gjithëpërfshirëse Ekonomike dhe Tregtisë, ose e shkurtër CETA.

BE filloi negociatat me Kanadanë në 2009, dhe CETA hyri përkohësisht në fuqi në 2017, megjithëse ende nuk është nënshkruar nga të gjitha vendet anëtare të BE-së.

Çfarë bën CETA?

Marrëveshja CETA heq qafe shumë nga tarifat, por jo të gjitha, (kjo është taksat për importet) për mallrat që tregtohen midis BE-së dhe Kanadasë. Tarifat mbeten te shpendët, mishi dhe vezët.

Ajo gjithashtu rrit kuotat (kjo është sasia e një produkti që mund të eksportohet pa tarifa shtesë), por nuk shpëton prej tyre krejt. Për shembull, kuotat në eksportet e djathit të BE në Kanada rriten nga 18.500 ton në 31.972 ton në vit.

Gjithashtu nuk hiqen kontrollet kufitare, kështu që ekziston ende mundësia që mallrat duhet të ekzaminohen në porte për t’u siguruar që ato plotësojnë kërkesat rregullatore, dhe dokumentet e tyre janë në rregull.

Çfarë thotë për standardet?

CETA mbron “indikacionet gjeografike” të BE-së, që do të thotë për shembull se ju mund të bëni proshutë Parma në Itali dhe djath kamembert në Francë, dhe Kanada nuk mund të importojë diçka që e quan veten kamembert nga çdo vend tjetër.

Ata gjithashtu kanë rënë dakord të hapin kontrata qeveritare me njëra-tjetrën, kështu që kompanitë kanadeze mund të bëjnë përpjekje për të ndërtuar hekurudha franceze, për shembull.

Ekziston edhe bashkëpunimi midis dy vendeve mbi standardet, kështu që një pjesë e pajisjeve të bëra në një vend të BE-së mund të kalojnë nëpër të gjitha kontrollet e saj të sigurisë dhe të cilësisë atje, pa pasur nevojë që ato të përsëriten në Kanada – dhe anasjelltas.

CETA gjithashtu lejon që kualifikimet profesionale të njihen si në Kanada ashtu edhe në BE, duke e bërë më të lehtë, për shembull, që arkitektët ose llogaritarët të punojnë në të dy vendet.

Dhe rregullon rregullat kanadeze në disa fusha të të drejtave të autorit dhe patentave me ato të BE-së./ (BBC)

Material i përgatitur nga portali Fast News Albania. Ripublikimi mund të bëhet vetëm kundrejt citimit të autorësisë dhe burimit origjinal.

The post Marrëveshje gjithëpërfshirëse pas ‘Brexit’: Anglia do të ndjekë shembullin e Kanadasë appeared first on Fast News Economy.

Profil/ Kush është kryeministri i ri i Anglisë, i vogël donte të bëhej mbret

Fast News — Wed, 24 Jul 2019 07:08:56 +0000

Kur ishte fëmijë, kishte thënë se donte të bëhej “mbreti i botës”. Tani ia ka dalë (pak a shumë): sot Boris Johnson është zgjedhur në krye të Partisë Konservatore britanike dhe ka marrë postin e Kryeministrit, duke zëvendësuar të dorëhequrën Theresa May.

Por në të vërtetë udhëheqësi i ri i Mbretërisë së Bashkuar, duhej të quhej Alexander Kemal: sepse ky ishte mbiemri i stërgjyshit turk, para se familja të vendoste të adoptonte mbiemrin më anglez, Johnson. Edhe Boris është emri i tij i dytë: për familjarët e tij ka qenë gjithmonë, dhe vazhdon të jetë, thjesht Al. Boris Johnson është pseudonim, një personazh i krijuar për të lënë pas një fëmijëri kaotike dhe të pazakontë.

Johnsonët janë një klan shumë i bashkuar, katër fëmijë, të gjithë shumë inteligjentë dhe shumë bjondë, grusht bashkuar përreth patriarkut Stanley: i cili u ka ngulitur ambicien për sukses dhe një shpirt super konkurues. Ai vetë kish qenë student në Oksford dhe atje kish fituar çmimin prestigjoz studentor të poezisë, po atë çmim që në të kaluarën e ka marrë Oscar Wilde; po në Oksford kishte studiuar dhe e shoqja Charlotte, një piktore e talentuar.

Por Stanley ishte një donzhuan i pandreqshëm dhe ata u divorcuan në 1979, kur Al-Boris ishte 15 vjeç: ai ra në depresion dhe pak më vonë u diagnostikua me Parkinson. Një traumë që do të linte shenjë ttek bijtë e tij.

Al-Boris kishte lindur në Nju Jork dhe në 14 vitet e para të jetës kishte ndërruar shtëpi 32 herë, në 2 kontinente. Por Johnsonët nuk lundronin mbi flori: Al u pranua në Eton, kolegji më ekskluziv në Angli, vetëm falë një burse studimesh. Ai ishte në fakt një prej King’s Scholars, 70 nxënësit që përzgjidhen çdo vit mes të rinjve më inteligjentë të Mbretërisë, dhe që financohen në zbatim të një urdhëri të nxjerrë nga Henriku VI në vitin 1440: qëndrojnë në një fjetore të veçantë dhe vishen gjithashtu ndryshe. Të tjerët, të pasurit që paguajnë shkollën, janë Oppidans: cholars, ku bën pjesë dhe Boris, i konsiderojnë budallenj të llastuar, ndërkohë që Oppidans i snobojnë si “varfanjakë”. Për të kuptuar më mirë, David Cameron, edhe ai nxënës në Eton në atë kohë, ishte një Oppidan: dhe kjo shpjegon rivalitetin me Sholar-in Johnson. Si dhe psikologjinë e këtij të fundit.

Vogëlushi Alexander, deri në moshën 8 vjeç, ishte pothuaj shurdh. Një gjë që e kishte izoluar nga fëmijët e tjerë dhe që kish nxitur ndjeshmërinë dhe inteligjencën e tij. Për të mbijetuar, në Eton kishte nisur të zhvillonte personalitetin ekscentrik dhe tërheqës, duke i tërbuar profesorët me sjelljen e tij arrogante. Siç thoshin shokët, ishte i sigurt se rregullat nuk ishin bërë për të. Pikërisht atëherë e ndërroi emrin dhe e bëri Boris.

Edhe në Oksford, Johnson arriti të futet falë një burse studimesh. Por hidhërimi i tij i madh ishte se nuk ia doli të diplomohej me maksimumin e notave: e kaloi pasditen duke qarë në një kinema. Dhe kur vëllai i tij Jo e mori me të gjitha nota maksimale, bashkë me një fletë lavdërimi, motra Rachel komentoi: “Po tani, kush do ia japë lajmin e keq Borisit?”

Në Oksford kandidoi për president të Unionit studentor: nuk bëri fushatë, i bindur se do të fitonte, vetëm për shkak se ishte Boris. Humbi. Vendosi të provojë sërish, këtë herë duke u mbështetur në një numër mbështetësesh adhuruese (kishte zbuluar që pushteti mbi gratë të jep pushtet): dhe fitoi. Kishte lindur Boris Johnson./Corriere della Sera – Bota.al/

The post Profil/ Kush është kryeministri i ri i Anglisë, i vogël donte të bëhej mbret appeared first on Fast News Economy.