Ndërkaq, përveç kufirit për PPP-të, vendimi parashikon edhe ulje të disa pragjeve monetare në procedurat e prokurimit publik, në përputhje me ndryshimet e kursit të këmbimit dhe përafrimin me pragjet e aplikueshme në Bashkimin Europian.

Në sektorin klasik, kufiri i lartë monetar për procedurat e prokurimit për punë publike do të ulet nga 603 mln lekë në 528.7 milionë lekë. Ndërkohë, për prokurimet për mallra, shërbime dhe konkurse projektimi, kufiri do të zbresë nga 16 mln lekë në rreth 13.7 mln lekë.

Të njëjtat ndryshime do të aplikohen edhe për kontratat sektoriale, ku kufiri i lartë për punët publike do të mbetet i njëjtë me sektorin klasik, ndërsa për mallrat dhe shërbimet pragu do të ulet nga 49 mln lekë në rreth 42.3 mln lekë.

Vendimi aktual, i miratuar në maj të vitit 2024, përcakton kufijtë monetarë që ndajnë procedurat e prokurimit sipas vlerës së kontratës, duke përcaktuar rregullat procedurale që duhet të ndiqen nga autoritetet kontraktore. Ai ndalon gjithashtu ndarjen artificiale të kontratave me qëllim shmangien e procedurave të prokurimit publik.

The post Qeveria vendos kufi për PPP-të dhe koncensionet, s’ka më kontrata nën 5 mln lekë appeared first on Fast News Economy.

Por ka diçka që AI ende nuk e bën dot si njeriu: të ndërtojë besim, të kuptojë tensionin në një ekip dhe t’i bëjë njerëzit të ndihen të dëgjuar, të vlerësuar dhe të sigurt.

Sipas ekspertes së lidershipit Carol Parker Walsh, në një botë pune që po drejtohet gjithnjë e më shumë nga teknologjia, inteligjenca emocionale po kthehet në një “superfuqi” të rrallë. Ajo nuk lidhet vetëm me të qenit i sjellshëm apo i qetë, por me aftësinë për të kuptuar njerëzit, situatat dhe emocionet që ndikojnë në vendimmarrje.

Një nga shenjat kryesore të inteligjencës emocionale është aftësia për t’i bërë njerëzit të ndihen të sigurt. Liderët emocionalisht inteligjentë krijojnë një ambient ku kolegët mund të flasin hapur, të ngrenë shqetësime dhe të tregojnë të vërtetën para se problemet të bëhen të mëdha.

Nëse njerëzit flasin vetëm kur gjërat kanë dalë jashtë kontrollit, kjo mund të jetë një shenjë alarmi. Por nëse ata ndihen rehat të ndajnë mendime, dyshime dhe shqetësime herët, pa frikë se do të gjykohen, kjo tregon një nivel të fortë besimi.

Një tjetër shenjë është aftësia për të ndaluar para se të reagosh. Njerëzit me inteligjencë emocionale nuk e lejojnë stresin të drejtojë sjelljen e tyre. Ata nuk nxitojnë të përgjigjen, të kritikojnë apo të zgjidhin gjithçka pa kuptuar më parë situatën.

Walsh e quan këtë “pauza profesionale”: disa sekonda të shkurtra për të marrë frymë, për të menduar dhe për të mos vepruar nga impulsi. Në vend të një reagimi të menjëhershëm, një lider i mirë mund të pyesë: “Çfarë ke konsideruar deri tani?”, “Më ndihmo ta kuptoj më mirë këtë situatë” ose “Çfarë të duhet nga unë tani?”

Inteligjenca emocionale duket edhe në mënyrën si menaxhohet tensioni. Në konflikt, shumë njerëz shkojnë në dy ekstreme: ose e shmangin problemin për të ruajtur qetësinë, ose e përshkallëzojnë situatën. Ata që kanë inteligjencë emocionale qëndrojnë të qetë, e adresojnë shqetësimin drejtpërdrejt dhe përpiqen të ecin përpara pa dëmtuar besimin mes palëve.

Shenja e katërt është mendimi kritik. Në epokën e AI, kjo aftësi bëhet edhe më e rëndësishme. Inteligjenca Artificiale mund të japë përgjigje të shpejta, por kjo nuk do të thotë se përgjigja e parë është gjithmonë më e mira.

Njerëzit me inteligjencë emocionale nuk e pranojnë verbërisht atë që u sugjeron një algoritëm. Ata pyesin: “Çfarë mungon këtu?”, “Cila perspektivë nuk është përfshirë?” dhe “A ka kuptim kjo zgjidhje për njerëzit që preken nga vendimi?”

Inteligjenca emocionale nuk është një aftësi e butë që qëndron në periferi të suksesit profesional. Në një botë ku teknologjia po merr gjithnjë e më shumë detyra, aftësia për të dëgjuar, për të menduar qartë dhe për të udhëhequr me ndjeshmëri mund të bëhet një nga avantazhet më të mëdha në karrierë.

Pyetja që ia vlen t’i bëjmë vetes çdo ditë është e thjeshtë, ku udhëhoqa mirë sot dhe ku e pengova vetë veten?

The post AI po e kthen inteligjencën emocionale në “superfuqi” në punë, 4 shenja që tregojnë nëse e keni appeared first on Fast News Economy.

Këtë të enjte në sistemin e prokurimeve operatori çeli procedurën me objekt “Instalimi i Sistemit të matjes inteligjente në konsumatorët fundor, në sistemin e matjes të Bilancit të Energjisë në Kabinat elektrike TM-TU, dhe integrimi i tyre në platformën e matjes të OSSH sh” me një fond limit 432 milionë lekë apo rreth 4.4 milionë euro.

Sipas dokumenteve të tenderit, investimi do të fokusohet në zonat me konsum të lartë energjie dhe me nivel më të lartë humbjesh në rrjet, me synimin për të rritur eficencën teknike dhe kontrollin mbi shpërndarjen e energjisë elektrike.

Në kuadër të projekteve të mëparshme, OSSH ka instaluar tashmë mijëra matësa inteligjentë në disa rajone të vendit. Në Durrës, gjatë investimit të vitit 2023, janë vendosur 1,752 sisteme inteligjente të matjes së bilancit në kabinat TM-TU, ndërsa në vitin 2024 u instaluan edhe 848 matësa inteligjentë tek konsumatorët fundorë që furnizohen nga këto kabina.

Ndërkohë, në Tiranë, në fidrat F7 dhe F8 të nënstacionit të Kasharit, janë instaluar 200 sisteme inteligjente të matjes së bilancit dhe 3,157 matësa inteligjentë tek abonentët fundorë.

Sipas OSSH, zgjerimi i projektit lidhet edhe me rritjen e numrit të konsumatorëve në këto zona, si pasojë e shtimit të popullsisë dhe zhvillimeve të reja urbane, përfshirë ndërtimet e kryera pas rindërtimit nga tërmeti i vitit 2019.

Kompania argumenton se investimi është pjesë e strategjisë për zëvendësimin gradual të sistemit analog të matjes me teknologji inteligjente, në përputhje me ligjin për energjinë elektrike dhe direktivat e Komunitetit Europian të Energjisë.

Operatori thekson se ruajtja e së njëjtës teknologji komunikimi synon të garantojë kompatibilitetin me investimet ekzistuese dhe përdorimin maksimal të infrastrukturës së ngritur deri tani.

Tenderi parashikon instalimin e 14,035 matësve inteligjentë në total. Numri më i madh do të vendoset në nënstacionin Sallmone me 7,760 njësi, i ndjekur nga Shkoza me 3,560 matës, Spitalla me 1,600 dhe Kashari me 1,115 matës inteligjentë./Monitor

The post Gati matësit inteligjentë të energjisë, OSSH tender 4.4 mln euro për zonat Tiranë e Durrës appeared first on Fast News Economy.

Por mes gjithë këtyre momenteve të bukura, jeta e përditshme nuk ndalet plotësisht. Ka gjithmonë diçka që duhet paguar, një detyrim që duhet zgjidhur, një transfertë që duhet bërë, apo një situatë e vogël që kërkon zgjidhje të shpejtë. Dhe këtu, EasyPay bëhet thjesht mënyra më e qetë për t’i mbajtur gjërat nën kontroll, pa humbur ritmin e verës.

Më poshtë janë disa nga pyetjet më të zakonshme që njerëzit bëjnë gjatë kësaj periudhe, dhe mënyra se si ato zgjidhen në pak sekonda, me EasyPay!

1. Si mund të kem një llogari EasyPay?

Shpesh, gjërat më të thjeshta janë edhe më të rëndësishmet.

Hapja e një llogarie EasyPay nuk kërkon as kohë, as procedura të ndërlikuara. Mjafton të shkarkosh aplikacionin, të regjistrohesh me të dhënat e tua dhe të kryesh verifikimin e identitetit, gjithçka online.

Dhe pastaj, ke në dorë një mënyrë të re për të menaxhuar financat e tua. Një llogari që nuk fle kurrë, që të lejon të paguash, të dërgosh dhe të marrësh para në çdo moment, edhe kur je në mes të natës, edhe kur je në mes të pushimeve.

2. Kam marrë një gjobë me makinën me qira. Si ta paguaj?

Pushimet nuk janë gjithmonë perfekte, dhe ndonjëherë një gjobë mund të të prishë pak humorin. Por jo për shumë gjatë!

Me aplikacionin EasyPay, pagesa e gjobave bëhet shpejt dhe pa stres (sic mund të na ndodh nëpër qytete të ndryshme të botës). Dhe nëse je në Shqipëri vetëm për disa ditë dhe nuk do të hapësh llogari, ke edhe më shumë fleksibilitet: mund të përdorësh llogarinë ekspres në aplikacion ose të shkosh në një nga mbi 580 pikat EasyPay, të shpërndara në çdo cep të vendit.

Sepse ndonjëherë, liria është thjesht të mos mendosh gjatë për një pagesë.

3. Më mbaruan lekët! Si mund t’i them mamit të më dërgojë para nga Tirana në Shkodër?

Ka situata që janë shumë njerëzore për t’u përshkruar me fjalë të mëdha.
Një telefonatë e shkurtër:
“Ma dërgo pak… më duhen.”
Dhe pastaj ai moment i pritjes.

Me EasyPay, kjo pritje nuk zgjat.

Nëpërmjet shërbimit të Transfertave Kombëtare, mund të dërgosh dhe të marrësh para nga një pikë fizike EasyPay në një tjetër, nga një skaj i vendit në tjetrin. Është një shërbim që lidh qytetet dhe njerëzit në kohë reale, duke e bërë transferimin e parave të menjëhershëm dhe të thjeshtë, pa vonesa dhe pa komplikime.

Mjafton të paraqitesh në një pikë EasyPay me të dhënat e nevojshme të marrësit dhe fondet mund të jenë të disponueshme në pak çaste në destinacionin tjetër. Sepse ndihma mes familjes nuk duhet të presë kurrë.

4. Si mund ta ndihmoj babin tim që ka një biznes për të paguar detyrimet?

Për shumë familje, biznesi nuk është thjesht punë, është sakrificë, përpjekje dhe përgjegjësi e përbashkët. Dhe shpesh, ajo që kërkon më shumë kohë janë pikërisht detyrimet: taksat, faturat, pagesat që nuk presin.

Me EasyPay, këto nuk janë më procese të shpërndara në vende të ndryshme. Janë të gjitha të mbledhura në një pikë të vetme, të qarta dhe të shpejta për t’u kryer, si nga aplikacioni, ashtu edhe në rrjetin e agjentëve.

Dhe ndoshta më e rëndësishmja: është një mënyrë për të qenë pranë familjes, duke ia lehtësuar barrën e përditshme.

5. Si mund t’i dërgoj para nga jashtë familjes shqiptare që më mirëpriti në Himarë këtë verë?

Vera ka një mënyrë të veçantë për të krijuar lidhje që nuk janë thjesht takime — por ndjesi familjare.
Një darkë e përbashkët.
Një pritje e ngrohtë.
Një “je si i shtëpisë”.

Dhe kur vjen momenti për t’u larguar, shpesh mbetet dëshira për të thënë faleminderit në mënyrën më të thjeshtë dhe më të sinqertë.

Përmes shërbimit Ria Money Transfer, diaspora shqiptare, por edhe vizitorët e huaj që kalojnë verën në Shqipëri, mund të dërgojnë para drejt vendit në mënyrë të sigurt, nga qindra mijëra pika shërbimi në mbarë botën. Ria operon në mbi 190 shtete dhe me më shumë se 500,000 pika shërbimi globalisht, duke i bërë transferta ndërkombëtare të aksesueshëm pothuajse kudo.

Në Shqipëri, paratë mund të tërhiqen lehtësisht në rrjetin e gjerë të EasyPay, me mbi 580 pika fizike të shpërndara në të gjithë vendin, nga qytetet e mëdha deri në zonat më turistike si Himara, Saranda apo Shkodra.

Transferta mbërrin shpejt dhe bëhet e disponueshme për tërheqje në mënyrë të menjëhershme. Sepse ndonjëherë, mirënjohja nuk ka nevojë për shumë fjalë.
Mjafton një transfertë që mbërrin në kohë!

Një verë më e lehtë me EasyPay

Në fund, vera nuk është vetëm destinacion.

Është ndjesi.

The post Verë me EasyPay: Pyetjet që bëhen më shpesh appeared first on Fast News Economy.

Ndërmarrjet e vogla dhe të mesme (SME-tw) do të kenë mundësi të financojnë aktivitetin e tyre nëpërmjet një programi financimi “Dyfisho Sipërmarrjen Tende”, një bashkëpunim i qeverisë shqiptare dhe gjithë bankave të nivelit të dytë në vend.

Programi i financimit për SME-të do të mbështet nga qeveria nëpërmjet Garancisë Sovrane me qellim uljen e riskut të kreditimit dhe një fondi grant që do të vihet në dispozicion për bizneset me qëllimin hartimin e projekteve që do të kërkojnë për financim.

Gjatë në nënshkrimit të marrëveshjes mes ministrive dhe bankave të nivelit të dytë, Kryeministri Edi Rama tha kjo linjë kredie me interesa 2 deri 3% dhe Garanci Sovrane synon t’u japë më shumë frymëmarrje bizneseve të vogla dhe të mesme, veçanërisht sektorit agrobujqësisë dhe agroturizmit.

“Për bizneset e vogla dhe të mesme (SME) do të vihet në dispozicion një linjë kredie me interes minimal 2% dhe maksimal 3%, e shoqëruar me Garanci Sovrane të qeverisë për të ulur riskun e kredisë për bankat nga 30% deri në 70%, sipas nivelit të vlerësuar të riskut.

Bankat pritet të jenë më kurajoze edhe për sektorin e bujqësisë, ku niveli i riskut është më i lartë. Deri tani, projektet që janë financuar kanë qenë kryesisht me risk të ulët, të lidhura me agrobujqësinë dhe agroturizmin në zhvillimin të inovacionit.

Gjithashtu, do të vendoset edhe një fond granti për të ndihmuar bizneset në hartimin e planeve të tyre të biznesit, duke krijuar një vlerë të shtuar në marrëdhënien mes bankave dhe subjekteve përfituese”, deklaroi kryeministri Rama.

Guvernatori i Bankës së Shqipërisë Gent Sejko theksoi se nëpërmjet këtrij programi do të rritet aksesi i SME-ve për kreditim, duke iu hapur rrugë zgjerimit të aktivitetit të tyre.

Guvernatrori Sejko inkurajoi bizneset e vogla dhe të mesme që t’i afrohen bankave dhe t’i konsiderojnë ato jo vetëm si një burim të qëndrueshëm dhe me kosto të ulët financimi, por edhe si një konsulent të vlefshëm financiar dhe partner të besueshëm zhvillimi

“Një akses më i lartë në kredi i SME-ve do t’i hapte rrugë zgjerimit më të shpejtë të potencialeve prodhuese të vendit, rritjes më të shpejtë të produktivitetit total të ekonomisë dhe përmirësimit të mëtejshëm të mirëqenies së shoqërisë.

Në këtë kontekst, prej më shumë se një viti, Banka e Shqipërisë ka miratuar dhe ka vënë në zbatim një Program Financimi për Biznesin e Vogël dhe të Mesëm, i cili synon reduktimin e kostove të kredisë për këtë segment esencial të ekonomisë shqiptare.

Paralelisht, Qeveria Shqiptare ka miratuar një Skemë Garancie sovrane, me qëllim uljen e rrezikut të kreditit për operatorët e sektorit bujqësor. Në gjykimin tonë, këto dy instrumente ofrojnë një pikënisje të mirë për adresimin e këtij problemi.

Progresi i bërë gjatë dy viteve të fundit është padyshim një premisë inkurajuese. Megjithatë, duke përfituar nga rasti, dëshiroj t’i bëj thirrje industrisë bankare për të pasur një vëmendje më të madhe ndaj financimit të sektorit të SME-ve, e veçanërisht atij agro.

Ky sektor mbart potenciale të pashfrytëzuara për zgjerimin e industrisë bankare, duke kontribuuar në zhvillimin afatgjatë të vendit dhe pa cenuar normat e prudencës.

Nga ana tjetër, dëshiroj t’u drejtohem edhe vetë bizneseve të vogla e të mesme, duke i inkurajuar që t’i afrohen bankave dhe t’i konsiderojnë ato jo vetëm si një burim të qëndrueshëm dhe me kosto të ulët financimi, por edhe si një konsulent të vlefshëm financiar dhe partner të besueshëm zhvillimi”, pohoi ndër të tjera zoti Sejko.

Ministri i Financave Petrit Malaj deklaroi se ndërmarrjet e vogla dhe të mesme përbëjnë shtyllën kryesore të ekonomisë shqiptare, pasi 99% e ndërmarrjeve janë SME dhe 88% e fuqisë punëtore është e punësuar në to. Sipas tij, 78% e vlerës së shtuar në ekonomi vjen nga këto ndërmarrje, të cilat kanë peshën kryesore në prodhim dhe shërbime.

Ai theksoi se përmes nismës “Dyfisho Sipërmarrjen Tënde”, qeveria synon të rrisë aksesin në financa për sektorët e nënfinancuar, si edhe të mbështesë rritjen e kapaciteteve teknologjike, energjetike dhe konkurrueshmërinë e biznesit.

Sipas Malajt, Garancia Sovrane do të zgjerohet nga 30 mln euro, bazuar në kërkesat e ndërmarrjeve të vogla dhe të mesme.

Ai shtoi se qeveria do të mbetet e angazhuar në mbështetjen e SME-ve për zhvillimin teknologjik dhe burimeve njerëzore, në funksion të përgatitjes për konkurrencë më të madhe dhe integrim në tregun e Bashkimi Europian.

The post Garanci Sovrane dhe kredi me interes 2-3% për SME-të, qeveria marrëveshje me bankat appeared first on Fast News Economy.

Masa përfshin transportin qytetas, ndërqytetas dhe rrethqytetas dhe synon të stabilizojë funksionimin e këtij shërbimi jetik për lëvizjen e qytetarëve.

Vendimi u bë i ditur në mbledhjen e sotme të Këshillit të Ministrave, ku ministri i Infrastrukturës dhe Energjisë Enea Karakaci e cilësoi këtë ndërhyrje si pjesë të paketës së masave të ndërmarra në kontekstin e krizës së hidrokarbureve.

“Në mbledhjen e qeverisë kaluam disa akte, por ai ku do të ndalem sot është në kuadër të masave subvencionuese që qeveria shqiptare ka marrë në kohën e krizës së hidrokarbureve,” deklaroi ai, duke theksuar se ndërhyrja prek drejtpërdrejt operatorët e transportit publik në të gjitha kategoritë.

Sipas tij, konkretisht është miratuar subvencionimi prej 50 lekësh për litër për çdo subjekt të licencuar të transportit qytetas, ndërqytetas dhe rrethqytetas. Kjo masë pritet të lehtësojë barrën financiare të operatorëve të sektorit, të cilët janë përballur me rritje të ndjeshme të kostove operative gjatë muajve të fundit.

Ministri shtoi se zbatimi i skemës do të nisë që nga muaji mars, periudhë kur, sipas tij, janë ndier efektet e krizës në treg. Qeveria synon që përmes këtij subvencionimi të shmangë presionin për rritje të tarifave të shërbimit publik dhe të ruajë qëndrueshmërinë e rrjetit të transportit.

Sektori i transportit është ndër më të ekspozuarit ndaj luhatjeve të çmimeve të karburanteve, duke ndikuar drejtpërdrejt në strukturën e kostove dhe marzhet e fitimit të operatorëve.

Rritja e vazhdueshme e shpenzimeve operative ka shtuar presionin mbi kompanitë, të cilat në disa raste kanë sinjalizuar nevojën për rishikim të tarifave.

Në këtë kontekst, masa e re shihet si një ndërhyrje për të amortizuar efektet e krizës dhe për të garantuar vazhdimësinë e shërbimit publik të transportit, ndërsa mbetet për t’u parë ndikimi i saj afatgjatë në buxhetin e shtetit dhe në stabilitetin e tregut.

The post Qeveria miraton subvencionimin e operatorëve të transportit publik me 50 lekë/litër, ja kur nisin efektet appeared first on Fast News Economy.

Ministri i Financave Petrit Malaj pas përfundimit të mbledhjes së qeverisë njoftoi se përveç sistemit të gjurmueshmërisë, te pullat fiskale do të ketë edhe një bar kod që do të mundësojë që përmes skanimit konsumatori të informohet për sigurinë ushqimore të produktit që konsumon.

“Propozimet që ne sjellim janë disa risi në fakt sepse pullat e reja që do të hidhen në qarkullim kanë dy elementë:

Së pari rriten elementët e sigurisë, që e bëjnë të pamundur ose ulin mundësinë e falsifikimit të tyre.

Nga ana tjetër do të zhvendosim edhe teknologjinë Track & Trace në pullat fiskale, duke i dhënë mundësinë autoriteteve si tatimore dhe doganore që të ndjekin produktet që nga prodhuesi ose importuesi deri te konsumatori i fundit.

Nga ana tjetër, një risi tjetër e pullave të reja fiskale do të jetë dhe bar kodi që do të vendosim në këto pulla fiskale, ku konsumatorët do të kenë mundësinë që të ndërveprojnë me produktin e akcizës.

Nëpërmjet bard kodit, nëpërmjet një telefoni, do të mund që të skanojnë pruduktin dhe të marrin informacion se kush është prodhuesi, kush është importuesi, kush është data në të cilën ka hyrë produkti në Shqipëri dhe informacione të tjera që mund të jenë në dobi, dhe vijnë natyrisht edhe në dobi të sigurisë ushqimore.

Siç e dini, këto pulla fiskale tashmë prej më shumë se sa një viti prodhohen nga kompania shtetërore ALBTrace, prodhohen me një kosto që është 20 % më lirë se sa prodhoheshin nga koncesionari i mëparshëm.

Pra, ndryshimet që ne propozojmë janë propozime të cilat janë në linjë me përafrimin e standardeve të Bashkimit Europian dhe nga ana tjetër padiskutim na përmirësojmë cilësinë e administrimit fiskal, por edhe rrisin sdandardet e sigurisë ushqimore në vend”, pohoi Malaj.

Prodhimi i pullave fiskale për mallrat e akcizës nga kompania shtetërore ka nisur nga mujai mars 2025, pas përfundimit të kontratës koncensionare me kompaninë “SICPA Security Solutions Albania sh.p.k”.

Për një periudhë mbi 10 vjeçare nga 2011 deri në 2024 prodhimi i i pullave fiskale u krye nga shoqëria koncesionare sipas kontratës së koncesionit “Për projektimin, financimin, dizenjimin, prodhimin dhe ngritjen e një sistemi për emetimin, shpërndarjen, gjetjen dhe monitorimin e pullave fiskale e të pullave të kontrollit të barnave” të lidhur ndërmjet Ministrisë së Financave, si Autoritet Kontraktues dhe shoqërive “SICPA Security Solutions S.A” dhe “SICPA Security Solutions Albania sh.p.k” të miratuar me ligjin nr. 10381, datë 24.02.2011, i ndryshuar me ligjin nr. 17, datë 16.02.2023.

Me përfundimin e kësaj kontrate, gjatë vitit 2024 u ndërmorën ndryshimet e nevojshme ligjore për ngarkimin e Shtypshkronjës së Letrave me Vlerë, që vetë, ose nëpërmjet një shoqërie të krijuar prej saj, të mund të kryejë prodhimin dhe kontrollin e pullave fiskale.

Po ashtu prej muajit mars 2025 çmimet e pullave fiskale janë 20 deri 25% më të ulëta sesa çmimi i pullave që prodhoheshin nga koncensionari.

Sipas vendimit “Për përcaktimin e elementeve të sigurisë dhe çmimit të pullave fiskale” që nisi zbatimin nga muaji mars 2025 çmimi i pullës fiskale për birrat është 17.22 euro për 1 mijë copë nga 22 euro për 1 mijë copë që bizneset i paguanin kompanisë koncensionare “Sicpa Security Solutions” Albania, sh.p.k. Ulja e tarifës është 20%.

Për produktet e tjera të mallrave të akcizës, si duhan çmimi është 15.65 euro për një mijë copë nga 21 euro për 1 mijë copë që paguhej. Ulja është 25% krahasuar me çmimin e mëparshëm.

Për alkoolin tarifa e pullës fiskale është 25.05 euro për një mijë copë nga 32 euro që paguhej më parë. Ulja është 16.5% nga çmimi i mëparshëm.

Për verën tarifa për 1 mijë pulla fiskale do të jetë 25.04 euro.

The post Pullat e reja fiskale së shpejti në treg, ministri Malaj: Me sistem gjurmueshmërie dhe barkod appeared first on Fast News Economy.

Ky është përfundimi i një studimi të udhëhequr nga Elisa Rabitti, psikologe dhe psikoterapiste pranë AUSL Reggio Emilia në Itali, i publikuar në revistën shkencore “Death Studies”.

Sipas kërkimit, shumë pacientë pranë fundit të jetës raportojnë ëndrra me përmbajtje të fortë emocionale, ku shohin familjarë apo kafshë shtëpiake të ndjera që duket sikur i presin në anën tjetër. Një temë tjetër që përsëritej ishin simbolet e tranzicionit, të tilla si shkallët dhe dyert e hapura e të mbushura me dritë, një përpjekje e trurit për t’i dhënë kuptim një transformimi të afërt.

Studimi u realizua me ndihmën e 239 profesionistëve të kujdesit paliativ, përfshirë mjekë, infermierë dhe psikologë, të cilët treguan përvojat e pacientëve që kishin ndjekur.

Në shumicën e rasteve, pacientët kanë përjetuar ndjesi qetësie dhe ngushëllimi pas këtyre ëndrrave. Vetëm rreth 10% e tyre raportuan ëndrra ankthi apo shqetësuese.

Studime të mëparshme nga Christopher Kerr, drejtues i Hospice Buffalo në Nju Jork, kanë treguar se njerëzit pranë vdekjes shpesh ribashkojnë në ëndrra pjesë të jetës së tyre që kanë mbetur të papërfunduara, si humbje familjare apo trauma të së kaluarës.

Sipas ekspertëve, këto ëndrra lidhen edhe me faktin se pacientët terminalë kalojnë periudha më të gjata gjumi, ku kufiri mes ëndrrës dhe realitetit bëhet më i paqartë.

Për studiuesit, këto vizione përfaqësojnë një mënyrë të trurit për të përgatitur njeriun për shkëputjen nga jeta, duke e bërë procesin më pak të frikshëm dhe më të mbushur me ndjenja dashurie, paqeje dhe pranimi.

The post Çfarë ëndërrojmë para vdekjes? Studimi zbulon vizionet e fundit të jetës appeared first on Fast News Economy.

Sipas njoftimit zyrtar, shërbimet elektronike të portalit do të jenë përkohësisht jashtë funksionit nga data 15 maj, ora 22:00, deri më 18 maj, ora 08:00.

Gjatë kësaj periudhe, qytetarët nuk do të kenë mundësi të aksesojnë shërbimet online të platformës.

Platforma “e-Albania” shërben si një portë nëpërmjet së cilës çdo person i interesuar mund të marrë nëpërmjet internetit, shërbime elektronike të ofruara nga institucionet publike në Shqipëri.

The post “e-Albania” do t’i nënshtrohet përditësimit teknik, afatet e ndërprerjes së shërbimit appeared first on Fast News Economy.

“Nga verifikimet e kryera rezultoi se ishte ndërtuar në tejkalim të lejes së ndërtimit, kati i 10 dhe i 11 i objektit 9-katësh dhe një pjesë e katit të 12 të tij. Gjithashtu, u konstatua se objekti ishte vënë në shfrytëzim, pa certifikatë përdorimi. Referuar Aktit Normativ Nr. 8, datë 01.10.2025, tejkalimi rezultoi mbi pragun ligjor 10% të parashikuar për masën e konfiskimit për interes publik”, tha policia.

Materialet procedurale iu referuan Prokurorisë, për veprime të mëtejshme. Gjithashtu, specialistët e Sektorit për Hetimin e Krimeve Ekonomiko-Financiare në Departamentin e Policisë Kriminale dhe shërbimet e Komisariatit të Policisë Nr. 4 Tiranë, kanë referuar disa herë materiale procedurale në Prokurori, për shkelje të konstatuara në këtë objekt.

The post Konfiskohen 3 kate pa leje në një pallat në Tiranë appeared first on Fast News Economy.