Presioni në tregjet evropiane të obligacioneve mund të duket si një zhvillim larg financave të përditshme të familjeve, por pasojat mund të shtrihen te kostoja e hipotekave dhe kredive të tjera, si edhe te aftësia e qeverive për të financuar shërbimet publike dhe investimet.

Normat e hipotekave kanë nisur të rriten në Gjermani dhe Itali. Edhe pse lidhja mes yield-eve të obligacioneve shtetërore dhe kredive hipotekore ndryshon nga një vend në tjetrin, kostot më të larta të huamarrjes së shteteve zakonisht ushtrojnë presion në rritje edhe mbi kostot e financimit të sektorit privat.

Pse po rriten yield-et?

Obligacionet e qeverive evropiane janë përballur me presion të fortë shitjeje gjatë kësaj jave. Yield-i i obligacionit francez 10-vjeçar ka arritur nivelin më të lartë në 17 vjet, ndërsa yield-i i obligacionit gjerman 10-vjeçar ka prekur nivelin më të lartë që nga viti 2011.

Më 20 gusht, yield-i 10-vjeçar i Francës ishte mbi 4.10%, më i larti në eurozonë. Në Itali ishte rreth 4.06%, në Spanjë 3.69%, ndërsa yield-i i obligacionit gjerman 10-vjeçar ishte pak mbi 3.25%.

Një prej faktorëve kryesorë është rritja e pritshmërive për inflacionin, e lidhur me çmimet e energjisë. Shpresat për një zgjidhje të shpejtë të konfliktit në Iran janë zbehur, duke ushtruar presion në rritje mbi çmimet e naftës dhe gazit.

Çmimet evropiane të gazit natyror janë më shumë se dyfishuar që nga fillimi i vitit. Kontratat e gazit holandez TTF, referenca kryesore për Evropën, janë rritur nga 29 euro në 63.80 euro për megavat-orë deri më 20 gusht.

Rritja e kostove të energjisë ushqen pritshmëritë për inflacion më të lartë dhe, rrjedhimisht, mund të shtojë presionin mbi Bankën Qendrore Evropiane për politika monetare më shtrënguese.

Hipotekat, efekti më i shpejtë

Ndikimi më i drejtpërdrejtë për konsumatorët pritet të jetë te kreditë hipotekore, megjithëse ritmi dhe përmasat e rritjes ndryshojnë sipas vendit.

Në Gjermani, normat e hipotekave janë të lidhura ngushtë me yield-et e obligacioneve gjermane. Ndërmjetësi i kredive hipotekore Interhyp parashikon që normat fikse për 20 vjet të rriten me rreth 7 pikë bazë gjatë javës në vijim, nga një mesatare prej 4.32%.

Në Francë, rritja e yield-eve të obligacioneve nuk është transmetuar ende në mënyrë të ndjeshme te kreditë hipotekore. Normat për një kredi 20-vjeçare janë aktualisht rreth 3-3.5%, ndërsa një nga ndërmjetësit kryesorë raporton një mesatare prej 3.31%.

Megjithatë, nëse presioni mbi yield-et vazhdon dhe inflacioni mbetet i lartë, rritja e normave të interesit nga BQE mund të shoqërohet me rritje të kostos së hipotekave.

Në Itali, tregu ka nisur të tregojë shenja të rishikimit të normave. Norma mesatare për hipotekat fikse 20-vjeçare ishte rreth 3.50% më 18 gusht, ndërsa disa banka të vogla kanë rritur tashmë interesat.

Në Spanjë, kreditë hipotekore ndikohen më drejtpërdrejt nga normat e BQE-së. Të dhënat e fundit tregojnë se norma mesatare për hipotekat me interes fiks të nënshkruara në maj ishte 2.96%.

Nëse BQE vendos të rrisë normat në një prej mbledhjeve të ardhshme, në shtator ose tetor, pritet që edhe kreditë hipotekore të shtrenjtohen. Megjithatë, ndikimi mund të jetë gradual dhe i ndryshëm nga një bankë në tjetrën.

Efekti më i ngadaltë: kostoja e borxhit publik

Rritja e yield-eve nuk ndikon menjëherë në të gjithë borxhin publik. Obligacionet ekzistuese vazhdojnë të paguajnë interesin e përcaktuar në momentin e emetimit deri në maturim. Kostoja rritet kur shtetet rifinancojnë borxhin që maturohet ose marrin hua të reja me normat aktuale të tregut.

Ekonomitë kryesore të Evropës kanë nivele të larta borxhi. Sipas FMN-së, në vitin 2025 Franca kishte stokun më të madh të borxhit mes katër ekonomive kryesore, rreth 3.3 trilionë euro, e ndjekur nga Italia me rreth 3 trilionë euro, Gjermania me 2.7 trilionë euro dhe Spanja me 1.6 trilionë euro.

Sa më gjatë të qëndrojnë yield-et në nivele të larta, aq më e madhe do të jetë pjesa e borxhit që duhet të rifinancohet me interesa më të shtrenjta. Kjo do të rrisë gradualisht faturën e interesave për qeveritë.

Italia dhe Franca konsiderohen më të ekspozuara ndaj këtij presioni. Italia ka një raport më të lartë borxh/PBB, por deficit më të ulët dhe një histori të suficiteve primare. Franca, nga ana tjetër, përballet me deficit më të lartë dhe pasiguri politike lidhur me mënyrën e konsolidimit të financave publike.

Rritja e shpenzimeve për interesa nuk nënkupton automatikisht rritje të taksave. Megjithatë, një pjesë më e madhe e të ardhurave publike do të duhet të përdoret për shërbimin e borxhit, duke kufizuar hapësirën për investime, shërbime publike, përfitime sociale ose ulje taksash.

Rreziku më i madh shfaqet nëse investitorët kërkojnë interesa gjithnjë e më të larta jo për shkak të rritjes ekonomike apo inflacionit, por sepse dyshojnë në aftësinë e një qeverie për të kontrolluar borxhin. Në këtë rast krijohet një cikël negativ: primet e rrezikut rrisin kostot e interesit, përkeqësojnë financat publike dhe mund t’i shtyjnë investitorët të kërkojnë interesa edhe më të larta.

Euronews

The post Rriten kostot e huamarrjes në Evropë, çfarë do të thotë kjo për kreditë dhe familjet appeared first on Fast News Economy.

Sipas një ankete të Federatës Kombëtare të Bizneseve të Pavarura (NFIB) në SHBA, pothuajse gjysma e pronarëve të bizneseve raportojnë se nuk po gjejnë aplikantë të kualifikuar, ndërsa problemi bëhet edhe më i theksuar për kompanitë që janë në proces aktiv rekrutimi.

Fenomeni nuk lidhet domosdoshmërisht me mungesën e interesit për punë.

Përkundrazi, kërkuesit e punës vazhdojnë të aplikojnë në numër të madh, por shumë punëdhënës ankohen se aplikimet nuk përputhen me kërkesat e pozicioneve. Përhapja e mjeteve të inteligjencës artificiale, që ndihmojnë kandidatët të hartojnë CV dhe letra motivimi ose të aplikojnë më shpejt në dhjetëra vende pune, ka rritur volumin e aplikimeve, por jo domosdoshmërisht cilësinë e tyre.

Për bizneset e vogla, kjo situatë përkthehet në kosto më të larta dhe procese rekrutimi më të gjata. Pozicionet që mbeten të paplotësuara ngadalësojnë aktivitetin, rrisin ngarkesën e punonjësve ekzistues dhe kufizojnë planet për zgjerim. Në të njëjtën kohë, konkurrenca për profesionistët me përvojë është bërë më e fortë, pasi edhe kompanitë më të mëdha po kërkojnë të njëjtat profile.

Ekspertët vlerësojnë se sfida nuk është vetëm tërheqja e kandidatëve, por edhe investimi në trajnimin dhe zhvillimin e tyre.

Në një treg pune që ndryshon me shpejtësi, aftësitë teknike dhe dixhitale po bëhen po aq të rëndësishme sa përvoja, ndërsa gjithnjë e më shumë punëdhënës po e konsiderojnë zhvillimin e talenteve brenda kompanisë si alternativën më të mirë përballë mungesës së specialistëve në treg./ FORBES

The post Bizneset e vogla përballen me mungesë talentesh: Kandidatë ka, por jo me aftësitë e duhura appeared first on Fast News Economy.

Prej pasdites të ditës së djeshme çmimi i naftës ka arritur 219 lekë për litër nga 215 lekë që ishte më parë. Nafta është rritur me 4 lekë për litër.

Shtrenjtim të ndjeshëm ka pasur edhe për çmimin e benzinës. Nga 198 lekë për litër, ka arritur 2025 lekë për litër. Rritja e benzinës është me 7 lekë për litër.

Rritja e çmimit të naftës ka reflektuar luhatjet e çmimeve në bursat e huaja.

Çmimi i naftës Platts në bursat e huaja që shërben si bazë përllogaritje për zhdoganimin dhe çmimet vendase ka arritur në 1,450 USD/ Ton nga 1,300 USD/Ton që ishte rreth 5 ditë më parë.

Importuesit vendas parashikojnë se nëse përshkallëzimet e luftës do të vijojnë çmimet e naftës me shumicë do të vijojnë  të rriten. Në këtë situatë sipas tyre e vetmja masa që do të përmbante çmimet është ulja e taksave për naftën.

Edhe sipas analizave të mediave të huaja, çmimet e naftës këtë të enjte u rritën në nivelet më të larta të tre javëve, të nxitura nga shqetësimet si dhe ngërçi lidhur me luftën në Iran, që do të vazhdojë të pengojë furnizimin nga rajoni kryesor prodhues i naftës në Lindjen e Mesme.

Për analistët e tregjeve të huaja shqetësimi kryesor është Hormuzi. Nëse ngushtica mbetet e bllokuar ose konflikti përshkallëzohet, çmimi i naftës Platts mund të shkojë edhe deri 2 mijë USD për ton.

Tregu i naftës mbetet i përqendruar te Ngushtica e Hormuzit, përmes së cilës kalonte rreth një e pesta e furnizimit global me naftë dhe gaz natyror të lëngshëm (LNG) përpara se të fillonte lufta SHBA-Izrael kundër Iranit në fund të shkurtit.

Po ashtu rritja e Brent mbi 91 dollarë për fuçi tregon se tregtarët po llogarisin një primi më të lartë rreziku.

Ndërkohë, dërgesat e naftës nga portet perëndimore të Rusisë kanë rënë në rreth 2.3 milionë fuçi në ditë gjatë gjysmës së parë të gushtit, 15% më pak se plani fillestar i ngarkimeve, për shkak të ndërprerjeve në portin e Detit të Zi, Novorossiysk.

The post Shtrenjtohen sërish karburantet, nafta arrin 219 lekë dhe benzina mbi 2 mijë lekë për litër appeared first on Fast News Economy.

Sipas psikologëve të intervistuar nga The Guardian, shumë njerëz nuk blejnë sepse kanë nevojë për një produkt, por sepse kërkojnë një ndjesi të përkohshme kënaqësie, një mënyrë për të larguar stresin, mërzinë apo ankthin. Problemi është se kjo ndjesi zgjat pak, duke krijuar një cikël ku dëshira për të blerë rikthehet vazhdimisht.

Ekspertët sugjerojnë që hapi i parë është të ndalemi për disa minuta përpara çdo blerjeje dhe të pyesim veten: “A kam vërtet nevojë për këtë?” Shpesh, vetëm shtyrja e vendimit për 24 orë mjafton që dëshira për të blerë të zbehet.

Një tjetër këshillë është të mos përpiqemi të ndryshojmë gjithçka menjëherë. Në vend të sfidave ekstreme si “mos blej asgjë për një vit”, ekspertët rekomandojnë ndryshime të vogla, si kufizimi i blerjeve impulsive, vendosja e një buxheti mujor ose blerja vetëm e produkteve që zëvendësojnë diçka që tashmë është konsumuar.

Interesant është edhe fakti se pastrimi i shtëpisë nuk duhet të shndërrohet në një arsye për të blerë produkte të reja organizimi. Shpesh njerëzit heqin dorë nga sendet e panevojshme, por më pas shpenzojnë para për kuti, rafte apo aksesorë të tjerë, duke hyrë sërish në të njëjtin cikël konsumimi.

Psikologët theksojnë gjithashtu se mënyra më e mirë për të blerë më pak është të zëvendësojmë kohën e shpenzuar në qendra tregtare ose në aplikacione online me aktivitete që krijojnë kënaqësi afatgjatë. Hobet, aktivitetet sportive, koha me familjen dhe miqtë apo angazhimi në komunitet ndihmojnë në uljen e varësisë emocionale nga blerjet. Sipas tyre, konsumimi i tepërt shpesh i izolon njerëzit, ndërsa marrëdhëniet sociale dhe përvojat e përbashkëta ofrojnë një ndjenjë më të qëndrueshme kënaqësie.

Në fund, ekspertët theksojnë se qëllimi nuk është të heqim dorë nga çdo blerje, por të konsumojmë në mënyrë më të ndërgjegjshme. Të blesh më pak nuk do të thotë të privosh veten, por të shpenzosh për gjërat që kanë vërtet vlerë dhe ndikim afatgjatë në jetën tënde./ THE GUARDIAN

The post Pse blejmë më shumë seç na duhet? Ekspertët tregojnë si të ndalim konsumimin e tepërt appeared first on Fast News Economy.

Sipas Kadastrës, përmes kësaj procedure qytetarët mund të pajisen me dokumentacionin e plotë të pronësisë për shtëpinë e tyre.

Për të nisur aplikimin, qytetari duhet fillimisht të hyjë në llogarinë e tij në portalin e-Albania.

Më pas duhet të zgjedhë shërbimin “Aplikim për regjistrimin e kalimit të pronësisë me anë të ligjit, me vendim të gjykatës, apo të një akti administrativ” dhe të klikojë opsionin “Përdor”.

Pas hapjes së shërbimit, aplikanti duhet të krijojë një aplikim të ri dhe të plotësojë fushat e nevojshme të kërkuara në portal.

Në vijim duhet të shtohet nënshërbimi “Regjistrim i kalimit të pronësisë me anë të aktit administrativ të lëshuar nga ASHK”.

Sipas njoftimit, pas zgjedhjes së këtij nënshërbimi, sistemi shton automatikisht edhe shërbimin për lëshimin e certifikatës së pronësisë, kopjen e kartelës së pasurisë së paluajtshme dhe kopjen e fragmentit të hartës kadastrale.

Pasi plotësohet aplikimi, qytetari duhet ta dërgojë atë, të shkarkojë mandatin dhe të kryejë pagesën.

Pagesa mund të realizohet online, pranë Postës Shqiptare ose në çdo bankë të nivelit të dytë.

Agjencia Shtetërore e Kadastrës u ka bërë të ditur qytetarëve se informacioni mbi dokumentacionin e nevojshëm gjatë aplikimit për shërbimet kadastrale mund të gjendet në faqen e saj të internetit, në rubrikën “Shërbime”.

The post Kadastra: Hapat si të regjistroni pronësinë e shtëpive të ndërtuara para vitit ’91 appeared first on Fast News Economy.

“Në qershor të këtij viti, norma e shfrytëzimit të dhomave në hotele arriti 41.3 %, nga 39.5 % në qershor 2025, duke shënuar një rritje me 1.8 pikë përqindje”, raporton INSTAT.

Një prirje e tillë e turizmit ka nxitur vendasit që të orientohen drejt biznesit të dhënies së shtëpive me qira ditore. Sipas të dhënave, në 6 mujorin e parë të këtij viti, fitimet e arkëtuara nga ky lloj biznesi arritën në rreth 50 milionë euro, teksa rezultojnë rreth 27.7 mijë apartamente e njësi të tjera banimi të disponueshme për t’u dhënë me qira, ose 4.2% më shumë se mesatarja e vitit 2025.

Një biznes i tillë ka rritur ndjeshëm qiratë për vendasit, ku marrja e një banese modeste brenda vijës së verdhë të Tiranës, por edhe në qytetet bregdetare është bërë e papërballueshme për pjesën më të madhe të familjeve, por edhe kategorive të vecanta, si studentët.

The post Çmimet e larta të hoteleve, shumica e turistëve zgjedhin shtëpitë me qira appeared first on Fast News Economy.

Yield-i i bonos 12-mujore shënoi 2.7% në muajin korrik, duke regjistruar një rritje prej 0.2 pikësh përqindjeje nga mesatarja e tremujorit të parë. Paralelisht me të, yield-i 2-vjeçar shënoi një rritje prej 0.3 pikësh përqindjeje, duke shkuar në 3.14%. Në të njëjtin hark kohor, yield-et e obligacioneve me maturitet 3-15 vjet u rritën me mesatarisht 0.6 pikë përqindje, e reflektuar kjo në rritjen e pjerrësisë së kurbës në afat të shkurtër.

“Rritja e yield-eve në muajt e fundit pasqyron dinamikën e raportit kërkesë/ ofertë në segmente të caktuara të tregut primar, në kushtet e zhvendosjes së huamarrjes së re të qeverisë nga maturitetet afatshkurtra te ato afatgjata”, vlerëson Banka e Shqipërisë.

Investimi në letrat me vlerë të qeverisë mbetet një alternativë për qytetarët, vecanërisht për ata që duan t’I “bllokojnë” kursimet e tyre në afatgjatë. Kjo duke pasur parasysh riskun zero përderisa bëhet fjalë për borxh të shtetit, si dhe interesat ndjeshëm të ulëta të depoiztave.

The post Qeveria drejt borxhit afatgjatë tek qytetarët, rriten interesat e letrave me vlerë appeared first on Fast News Economy.

Ekonomia shqiptare u rrit me 3,66% në vitin 2025 dhe me 3,71% në tremujorin e parë të vitit 2026. Në një kohë kur ekonomitë evropiane dhe rajoni përballen me ritme më të moderuara, ky është një rezultat pozitiv dhe Shqipëria vijon të renditet ndër ekonomitë me rritjen më të shpejtë në Ballkanin Perëndimor.

Por një ekonomi nuk bëhet më e fortë vetëm sepse PBB-ja rritet.

Ajo bëhet më e fortë kur rritja krijon më shumë produktivitet, më shumë investime, paga më të larta, eksporte më konkurruese dhe më shumë vlerë për çdo njësi të kapitalit dhe punës.

Këtu qëndron edhe mesazhi kryesor i analizës së POLIFAKT për rritjen 2025 dhe fillimin e 2026.

Në vitin 2025, konsumi i familjeve dha rreth 64% të kontributit në rritjen ekonomike, ndërsa konsumi i qeverisë rreth 38%. Investimet patën kontribut pozitiv, por ende nuk janë bërë motori dominues i rritjes.

Kjo e bën strukturën e rritjes po aq të rëndësishme sa vetë norma 3,66%.

Ekonomia po zgjerohet, por një pjesë e madhe e këtij zgjerimi vjen ende nga kërkesa dhe konsumi, ndërsa transformimi i kapaciteteve prodhuese kërkon ritme më të larta investimi dhe produktiviteti.

Në tremujorin e parë të 2026 kemi një zhvillim interesant. Edhe pse konsumi i qeverisë u dobësua ndjeshëm krahasuar me vitin 2025, ekonomia vazhdoi të rritet me 3,71%. Kjo tregon se kërkesa private dhe investimet po marrin një rol më të madh.

Është një sinjal pozitiv, por duhet konsoliduar.

Ndërsa, në krahasim me Ballkanin Perëndimor, Shqipëria po performon mirë. Ritmi i rritjes është mbi mesataren rajonale dhe ekonomia po ruan një diferencë pozitive edhe në fillimin e vitit 2026.

Por avantazhi në normën e rritjes nuk duhet ngatërruar me avantazh të konsoliduar ekonomik.

Vendet e rajonit kanë të njëjtën sfidë, që të kalojnë nga një model rritjeje i mbështetur në konsum, ndërtim, turizëm, remitanca dhe investime të përqendruara, drejt një ekonomie që krijon më shumë produktivitet dhe vlerë të shtuar.

Shqipëria ka disa avantazhe të rëndësishme për ta bërë këtë kalim. Ka një pozicion të favorshëm energjetik, potencial të madh turistik, lidhje gjithnjë e më të forta me tregjet evropiane dhe një proces integrimi që mund të shërbejë si katalizator reformash.

Por këto avantazhe duhet të shndërrohen në kapacitete ekonomike.

Nga rritja te zhvillimi tashmë mbetet problemi i pazgjidhur ende…

Kjo është faza ku politika ekonomike duhet të bëjë ndryshimin.

Nuk mjafton që konsumi të rritet. Duhet të rritet kapaciteti për të prodhuar.

Nuk mjafton që investimet të jenë të larta në vlerë. Duhet të rritet produktiviteti i kapitalit.

Nuk mjafton që turizmi të sjellë më shumë të ardhura. Duhet që ai të krijojë më shumë lidhje me ekonominë vendase dhe më shumë vlerë të shtuar.

Nuk mjafton që eksportet të rriten në volum. Duhet të rritet kompleksiteti dhe vlera e tyre.

Mbi të gjitha, rritja duhet të përkthehet në të ardhura reale dhe mirëqenie më të lartë për qytetarët.

Pikërisht këtu ndahet një ekonomi që thjesht rritet nga një ekonomi që zhvillohet.

Çfarë duhet të synojë Shqipëria deri në 2030?

Avantazhi i ritmit aktual duhet përdorur për të ndërtuar fazën tjetër të ekonomisë shqiptare.

Prioriteti duhet të jetë investimi produktiv, kapitali njerëzor, teknologjia, energjia, infrastruktura, formalizimi, eksportet dhe konkurrueshmëria e ndërmarrjeve shqiptare.

Hapësira fiskale që krijohet nga rënia e borxhit publik duhet të përdoret me kujdes për investime që rrisin kapacitetin e ekonomisë, jo thjesht për të shtuar kërkesën në periudhë afatshkurtër.

Kjo është edhe mënyra më e mirë për ta shfrytëzuar avantazhin që Shqipëria aktualisht ka ndaj një pjese të rajonit.

3,66% dhe 3,71% janë nivele të mira. Por objektivi duhet të jetë që pas këtyre niveleve të kemi një ekonomi më produktive, më konkurruese dhe më pranë standardit evropian.

Pra, sfida e Shqipërisë nuk është më vetëm të rritet.

Është të sigurojë që rritja e sotme të ndërtojë zhvillimin e nesërm.

The post Rritja ekonomike po vazhdon, por sfida tani është cilësia e saj appeared first on Fast News Economy.

Por, a funksionojnë me të vërtetë? Nuk ka asnjë tezë që vërteton se ndërsa plakemi, edhe trupi ynë plaket bashkë me ne. Lajm i mirë është se ju mund të përmirësoni shanset për të mbajtur një tru të shëndetshëm nëse shtoni ushqime “të mençura” dhe pije në dietën tuaj.

Hani mëngjes për të ushqyer trurin tuaj

Peshku është vërtet ushqim i trurit

Shtoni një dozë ditore me arra dhe çokollatë

The post Si të ndihmoni trurin të përqendrohet? appeared first on Fast News Economy.

Ka një moment në zhvillimin e çdo tregu financiar kur teknologjia pushon së qeni thjesht një alternativë dhe fillon të bëhet mënyra e re e zakonshme e menaxhimit të parave! Shqipëria po kalon pikërisht këtë fazë, ndërsa pagesat elektronike, transfertat dixhitale dhe shërbimet financiare online po ndryshojnë gradualisht mënyrën se si qytetarët dhe bizneset ndërveprojnë me financat e tyre.

Në këtë transformim, EasyPay sjell një tjetër zhvillim të rëndësishëm për përdoruesit e saj: transfertat SEPA do të jenë të disponueshme për klientët EasyPay direkt në aplikacionin EasyPay, duke mundësuar dërgimin dhe marrjen e eurove drejt mbi 40 vendeve të Evropës në një mënyrë më të thjeshtë, më të shpejtë dhe më të sigurt.

Ky zhvillim shënon një etapë të re në evolucionin e EasyPay, e cila nga një aplikacion pagesash po shndërrohet në një platformë financiare gjithëpërfshirëse, ku pagesat, transfertat, llogaritë dhe menaxhimi i parave bashkohen në një eksperiencë të vetme!

Integrimi në zonën SEPA përbën një nga zhvillimet më të rëndësishme për sistemin financiar shqiptar, duke krijuar mundësinë që transfertat në euro të kryhen sipas standardeve evropiane të sigurisë, transparencës dhe efikasitetit. Për qytetarët, kjo do të thotë një mënyrë më e thjeshtë për të dërguar dhe marrë para në Evropë, pa procese të komplikuara dhe pa nevojën për procedura tradicionale. Një transfertë drejt një familjari jashtë vendit, pagesa e një tarife universitare, një marrëdhënie biznesi me një partner evropian apo marrja e një pagese në euro mund të menaxhohen tashmë nga një aplikacion i vetëm.

Një aplikacion. Të gjitha shërbimet financiare.

Integrimi i shërbimit të transfertave të parave është pjesë e një transformimi më të gjerë të platformës EasyPay. Versioni i ri i aplikacionit sjell një eksperiencë më të plotë financiare për përdoruesit, duke i lejuar ata të menaxhojnë pagesat dhe transfertat përmes llogarive të dedikuara në lekë dhe euro.

Përmes llogarisë së pagesave ALL, përdoruesit mund të kryejnë pagesat e përditshme, të paguajnë faturat utilitare, të dërgojnë para te përdorues të tjerë EasyPay, të kryejnë rimbushje përmes Open Banking, transferta bankare, me kartë apo të depozitojnë në pikat EasyPay.

Ndërkohë, llogaritë e transfertave ALL dhe EUR krijojnë një mënyrë më fleksibël për menaxhimin e transfertave ndërkombëtare, duke mundësuar dërgimin dhe marrjen e fondeve, konvertimin valutor dhe kryerjen e transfertave SEPA në euro.

Ky ndryshim e pozicionon EasyPay jo vetëm si një mjet për pagesa, por si një partner financiar për përdoruesit që kërkojnë një mënyrë më të thjeshtë për të administruar paratë e tyre!

Dixhitale apo fizike? Ju zgjidhni. EasyPay i ka të dyja.

Një nga karakteristikat që e diferencon EasyPay në tregun shqiptar është modeli i kombinuar që lidh teknologjinë me aksesin fizik. Ndërsa shumë shërbime financiare po kalojnë vetëm online, EasyPay vazhdon të ruajë një qasje gjithëpërfshirëse, duke kombinuar pagesat dhe transfertat nga aplikacioni dixhital me një rrjet prej mbi 600 pikash në të gjithë Shqipërinë.
Kjo do të thotë se çdo përdorues mund të zgjedhë mënyrën që i përshtatet më shumë: të menaxhojë financat nga telefoni i tij ose të marrë shërbim fizik pranë një pike EasyPay.

Fondet mund të shtohen në llogari përmes transfertave bankare, Open Banking ose cash në një pikë EasyPay, duke krijuar një urë mes botës dixhitale dhe asaj tradicionale financiare. Sepse jo të gjithë i menaxhojnë paratë në të njëjtën mënyrë!

EasyPay. Një platformë për të gjitha shërbimet financiare.

The post EasyPay sjell transfertat SEPA në aplikacion: një hap i ri drejt mënyrës së re të menaxhimit të financave appeared first on Fast News Economy.