Sipas të dhënave nga Autoriteti i Mbikëqyrjes Financiare (AMF), depozitat bankare të shoqërive të sigurimit në fund të 2025 arritën vlerën e 18.2 miliardë lekëve (rreth 188 milionë euro), në rënie me 2.7% krahasuar me një vit më parë.

Depozitat në monedhën vendase dominojnë strukturën e depozitave të shoqërive të sigurimit, me 62.9% të totalit ose rreth 11.4 miliardë lekë. Depozitat në valutë arritën në 6.7 miliardë lekë dhe përbënin rreth 37.1% e vlerës totale të depozitave.

Në depozitat në valutë të huaj, peshën kryesore e zënë depozitat e investuara në Euro, të cilat zënë rreth 89.6% të depozitave totale në valutë dhe 33.2% të depozitave totale (lekë + valutë), pjesa tjetër e depozitave janë të investuara në dollarë amerikanë.

Krahasuar me fundin e vitit 2024, depozitat në valutë kanë pësuar rënie në vlerë me 1.6%, kryesisht si rezultat i efektit negativ të kursit të këmbimit. Megjithatë, rënia në shkallë pak më të lartë e depozitave në Lekë ka bërë që Euroizimi i depozitave bankare të shoqërive të sigurimit të pësojë rritja të lehtë në 2025.

Depozitat përbënin rreth 73% të investimeve totale financiare të kompanive.

Për sa i takon investimeve të tjera të kompanive të sigurimit, ato dominohen nga obligacionet.

Në fund të vitit të kaluar, shoqëritë e sigurimit zotëronin obligacione në në vlerën e 4.9 miliardë lekëve, në rritje me 6% krahasuar me një vit më parë. Pothuajse 76% e obligacioneve u takojnë shoqërive të sigurimit të jo-jetës, ndërsa rreth 24% atyre të jetës.

Gjithashtu, shoqëritë e tregut të sigurimeve kanë investuar dhe në obligacione në Euro, në vlerën 16.7 milionë euro, në rënie me 5.7% krahasuar me një vit më parë.

Ndërkohë, Bonot e Thesarit në Lekë vazhdojnë të kenë një peshë shumë të vogël në portofolin e investimeve të kompanive të sigurimit. Në fund të 2025, ato kishin vlerën e 57 milionë lekëve, në vlera të përafërta me një vit më parë.

Shoqëritë e sigurimeve raportojnë gjithashtu kuota në fonde investimesh në Lekë, në vlerën e 148 milionë lekëve. Vlera e investimit në kuota të fondeve ka ngelur afërsisht e njëjtë me një vit më parë. Investimet u takojnë kryesisht fondeve të administruara nga palë të lidhura me shoqëritë e sigurimit (shoqëri administruese të fondeve të investimit), siç është rasti i investimeve të shoqërisë Albsig në fondin e investimit Albsig Standard.

Në total, investimet financiare në fund të 2025 kishin një vlerë prej afërsisht 6.7 miliardë lekësh, vlera kjo sa 37% e fondeve të mbajtura në depozita bankare.

The post Siguruesit kanë 188 milionë euro në depozita bankare, rriten investimet në obligacione appeared first on Fast News Economy.

Nëse e njeh EasyPay, e di që është më shumë sesa një platformë pagesash. Është “One Stop Shop”, pika ku individët, familjet dhe bizneset paguajnë gjithçka si:

• Faturat e energjisë dhe ujit;
• Internetin dhe IPTV-në;
• Çerdhet, kopshtet dhe universitetet;
• Taksat bashkiake dhe detyrimet ndaj shtetit;
• madje edhe siguracionet dhe kredinë.

Tashmë, kësaj liste i shtohet edhe një tjetër emër i madh: Tring. Kjo do të thotë që në çdo moment, kudo që ndodhesh, nga Tirana në Pogradec apo nga Shkodra në Sarandë, ti mund të riabonohesh në platformën e preferuar televizive, nga çdo pikë EasyPay afër teje.

Tring është prej vitesh në krye të transmetimeve televizive në Shqipëri. Me teknologjinë OTT, e cila funksionon në çdo pajisje si: televizor, tablet, smartphone apo kompjuter, Tring ofron programacion të pasur për çdo moshë dhe shije. Nga filmat premierë dhe serialet ekskluzive, tek reality show-t dhe dokumentarët, është platforma që kombinon argëtimin modern me përmbajtjen cilësore.

Gjithashtu, në Tring gjenden disa nga kampionatet më të mëdha të botës, të cilat nuk transmetohen askund tjetër në Shqipëri:

• UEFA Champions League – kompeticioni më madhështor i futbollit evropian.
• Serie A, Coppa Italia dhe Superkupa e Italisë– elita e futbollit italian.

• Bundesliga – për të shijuar klasin gjerman të Bayern Munich, Borussia Dortmund, Leverkusen apo Stuttgart

• Kampionati Portugez – për ndjekësit e Benfica-s, Porto-s, apo Sporting-ut.
• NBA – vendi ku luhet magjia e basketbollit amerikan.
• MotoGP ) – shpejtësi, adrenalinë dhe spektakli i garave me motora.

Pra, nëse je tifoz i Milanit, Interit, apo Juventusit, ose thjesht nuk do të humbasësh spektaklin e Champions-it, apo klasin e gjermanëve ky bashkëpunim do të të shpëtojë nga vonesat dhe ngatërresat me pagesat.

Më shumë lehtësi për abonentët aktualë të Tring…

Tashmë, nuk ke pse kërkon pika të veçanta për të bërë pagesën e abonimit të Tring.
Mjafton një hapje dere tek pika më e afërt EasyPay (ka mbi 580 në të gjithë Shqipërinë) dhe mund të kryesh pagesën në pak minuta.

… dhe më shumë mundësi për përdoruesit e EasyPay

Nëse je tashmë klient i EasyPay, ky është një “upgrade” që nuk duhet ta lësh pa shfrytëzuar,
sepse tani, në të njëjtin vend ku paguan faturat, taksat apo siguracionin e makinës, mund të rinovosh edhe abonimin Tring.

Dy brande shqip që flasin një gjuhë: thjeshtësi dhe përvojë pa ndërprerje

Ky bashkëpunim nuk është thjesht një marrëveshje teknike mes dy kompanive. Është një hap drejt modernizimit të përvojës së përdoruesit shqiptar, i cili kërkon shërbime të thjeshta, të sigurta dhe të menjëhershme.

Tring sjell argëtimin. EasyPay sjell lehtësinë. Dhe bashkë, ato krijojnë një ekosistem ku pagesat dhe përmbajtja televizive takohen në një klikim të vetëm.

The post EasyPay & Tring/ Dy botë që bashkohen për t’i bërë pagesat e tua më të lehta appeared first on Fast News Economy.

Shërbime si Ria Money Transfer kanë kuptuar këtë realitet dhe e kanë ruajtur fort këtë dimension njerëzor të transfertave. Në çdo pikë fizike, dërgimi i parave shoqërohet me një përvojë që shkon përtej shpejtësisë dhe efikasitetit. Është momenti kur hyn në një dyqan të njohur, përshëndet një fytyrë familjare dhe ndihesh i sigurt që gjithçka do të shkojë siç duhet.

Kultura shqiptare ka qenë gjithmonë e lidhur ngushtë me marrëdhëniet njerëzore. Dyqani i lagjes nuk është thjesht një vend ku kryen një pagesë; është një hapësirë sociale, një pikë takimi ku ndërtohen lidhje të forta dhe ku komunikimi është po aq i rëndësishëm sa shërbimi që ofrohet. Agjenti apo shitësi nuk është vetëm një ndërmjetës, ai është një person besimi, që shpesh njeh historinë tënde, të udhëzon dhe të ndihmon në çdo hap të procesit.

Kjo është arsyeja pse, pavarësisht rritjes së alternativave dixhitale, shumë shqiptarë vazhdojnë të zgjedhin dërgesat cash. Ndjesia e sigurisë që vjen nga një ndërveprim i drejtpërdrejtë, mundësia për të marrë përgjigje menjëherë dhe transparenca e procesit janë elementë që teknologjia ende përpiqet t’i zëvendësojë.

Në të njëjtën kohë, dinamika e dërgesave të parave nga dhe drejt Shqipërisë po ndryshon. Tradicionalisht, remitancat kanë qenë kryesisht hyrëse në vend, dhe sipas të dhënave nga Banka e Shqipërisë, ato kanë vijuar trendin rritës edhe gjatë vitit 2025, me një rritje prej rreth 5–6% krahasuar me vitin e mëparshëm. Edhe pse këto shifra lidhen kryesisht me paratë që vijnë nga diaspora drejt Shqipërisë, ato pasqyrojnë qartë intensitetin në rritje të lëvizjeve financiare ndërkombëtare dhe forcimin e lidhjeve ekonomike që sot funksionojnë gjithnjë e më shumë në të dy drejtimet.

Paralelisht me këtë trend, po vërehet edhe një rritje e transfertave që nisen nga Shqipëria drejt vendeve të tjera. Ky ndryshim pasqyron realitete të reja sociale dhe ekonomike. Një brez i ri shqiptarësh, të cilët studiojnë apo punojnë jashtë vendit, mbajnë lidhje të vazhdueshme financiare me familjet dhe rrjetet e tyre ndërkombëtare. Në të njëjtën kohë, rritja e pranisë së punonjësve të huaj në Shqipëri ka sjellë një fluks të ri dërgesash drejt vendeve të tyre të origjinës.

Grupmoshat më aktive në këtë drejtim janë kryesisht individë në moshë pune, profesionistë të rinj, punonjës të sektorëve të ndryshëm dhe gjithnjë e më shumë studentë që lëvizin ndërkombëtarisht. Për ta, dërgimi i parave është një mënyrë për të mbështetur familjen, për të ruajtur lidhjet dhe për të qenë të pranishëm, edhe kur distanca fizike i ndan.

Marrësit e këtyre dërgesave janë po aq të ndryshëm: nga familjarë që mbështeten në këto të ardhura, te studentë që përballojnë jetesën jashtë, apo familje në vende të tjera që varen nga kontributi i një të afërmi që punon në Shqipëri. Në çdo rast, pas çdo dërgese fshihet një histori personale dhe një arsye e fortë emocionale.

Në këtë kontekst, rëndësia e pikave fizike bëhet edhe më e qartë. Ato ofrojnë akses për të gjithë, përfshirë edhe ata që nuk kanë llogari bankare, dhe garantojnë që paratë të mbërrijnë shpejt dhe në mënyrë të sigurt. Por mbi të gjitha, ato ruajnë një element që është thelbësor për kulturën tonë: kontaktin njerëzor.

Për ata që duan ta provojnë këtë eksperiencë, tani është momenti i duhur. Në pikat EasyPay dhe Ria, dërgesa juaj e parë nga Shqipëria kudo në botë, shoqërohet me -30% ulje, një mundësi ideale për të përjetuar një shërbim që kombinon shpejtësinë, sigurinë dhe besimin që vetëm një marrëdhënie njerëzore mund të ofrojë.

The post Një dërgesë sot, një lidhje që zgjat gjithmonë appeared first on Fast News Economy.

Nga 4 miliardë lekë që ishte shuma e shpallur për financim nga Ministria e Financave, vlera totale e kërkesave arriti në 4.78 miliardë lekë. Ministria e Financave vendosi ta rrisë shumën e emetimit në 4.6 miliardë lekë.

Pjesërisht, rritja e yield-it të emetimit mund të shpjegohet edhe me këtë lëvizje. Rregullorja e ankandeve të obligacioneve parashikon që yield-i emetimit të jetë uniform me yield-in e kërkesës më të lartë të pranuar.

Për momentin, tregu financiar vendas duket i qetë, pavarësisht sinjaleve për një rritje të pritshme të inflacionit. Edhe në ankandin e bonove 12-mujore, të zhvilluar këtë javë, yield-i mesatar i ponderuar pësoi përsëri rënie, duke zbritur edhe njëherë poshtë normës bazë të interesit.

Një tendencë të ngjashme shfaqën, më herët këtë muaj, edhe obligacionet 15-vjeçare. Yield-i uniform i pranuar u rrit lehtë në 5.75%, nga 5.67% që kishte qenë në ankandin e mëparshëm, të muajit shkurt.

Fakti që as yield-et e instrumenteve afatgjata nuk po shënojnë lëvizje shumë të rëndësishme është një tregues se tregu, për momentin, nuk duket veçanërisht i shqetësuar për një rritje të shpejtë dhe të fortë të normave.

Nga ana tjetër, gjendja përgjithësisht likuide e tregut dhe ulja e rreziqeve të perceptuara rreth borxhit publik sovran vazhdojnë të favorizojnë paralelisht normat relativisht të leverdishme të huamarrjes qeveritare.

The post Yield-et e obligacioneve 10-vjeçare rriten lehtë, a ia vlen të investosh? appeared first on Fast News Economy.

Sipas raportit, në fund të dhjetorit 2025, stoku i rezervës valutore bruto përfshinte edhe rreth 116.99 mijë onz, ose 3.64 ton ar monetar.

Shifrat e analizuara nga “Scan Intel”, referuar “Trading Economics” tregojnë se Shqipëria është ndër vendet e fundit në Europë sa i përket rezervës valutore në ar. Në Europë, vetëm Luksemburgu, Malta, Estonia, dhe Islanda vlerësohet të kenë rezerva valutore në ar më të vogla se Shqipëria.

Për Serbinë ndërkohë, rezerva në ar fiksohet në rreth 53 ton, për Maqedoninë e Veriut në 6.89 ton, ndërsa për Bosnje Hercegovinën në rreth 3.48 ton, referuar shifrave të vitit 2025. Shtetet e Bashkuara të Amerikës mbajnë vendin e parë në nivel global, me rezervat valutorë në ar që fiksohen në rreth 8133 ton. Gjermania ndërkohë, është e para në Europë dhe e dyta në botë, me 3350 ton ar në arkën e Bankës Qendrore. Më pas ndjekin Italia, Franca, Rusia dhe Kina, që mbyllin 6 vendet e para të listës.

Ndërkohë, krahasuar me popullsinë, 3.64 ton rezerva valutore, përkthehen në 1.54 gram për frymë.

Por, si ndahet rezerva valutore e Bankës së Shqipërisë? Pjesa më e madh e saj, ose më saktë rreth 60.3% shprehet në Euro, 22.3% në dollar. Ndërkohë, ar monetar përbën 5.9%, SDR 3.7%, RMB 2.7%, paund britanik 2.5%, jen japonez 2% dhe dollar australian 0.6%. Kjo do të thotë se ari nuk është elementi dominues i rezervës, por mbetet një komponent i dallueshëm i saj./Tv Scan

The post Sa ton ar zotëron Banka e Shqipërisë? Jemi ndër vendet e fundit në Europë appeared first on Fast News Economy.

Sipas shifrave, falsifikimi i kartëmonedhave në qarkullim ka ardhur në ulje vit pas vit.

Detaji më interesant i raportit është te monedhat metalike. Duket se 50-lekëshi mbetet e vetmja monedhë e evidentuar si e falsifikuar. Në një treg ku qarkulluan rreth 311 milionë monedha metalike, falsifikimi i tyre rezulton, praktikisht, periferik.

Nga ana tjetër, në qarkullim ishin rreth 178 milionë kartëmonedha, me vlerë afro 496 miliardë lekë. Sipas shpërndarjes strukturore, pjesën më të madhe të kartëmonedhave të falsifikuara e përbëjnë prerjet 5,000 lekë, të ndjekura nga prerjet 2,000 lekë dhe 1,000 lekë

Sipas “Bankës së Shqipërisë”, falsifikimet e identifikuara gjatë 2025-s janë riprodhime të thjeshta, të realizuara me pajisje digjitale komerciale, me ndërhyrje artizanale për të imituar elementet e dukshme të sigurisë. Elementet e sigurisë të lexueshme nga pajisjet autentifikuese nuk rezultojnë të jenë imituar në asnjë rast, çka konfirmon efektivitetin e teknologjive mbrojtëse të përdorura.

Në të njëjtën kohë, “Banka e Shqipërisë” përpunoi rreth 91.1 milionë kartëmonedha, duke kontrolluar autenticitetin dhe përshtatshmërinë e tyre për riqarkullim. Norma e papërshtatshmërisë mbeti 21.3%, ndërsa kartëmonedhat e dëmtuara u zëvendësuan sistematikisht.

Në krahasim me vitin 2024, numri i kartëmonedhave u rrit me rreth 17 milionë copë , ndërsa ai i monedhave metalike me 20 milionë copë. Rritja e numrit dhe e vlerës së kartëmonedhave në qarkullim tregon një zhvendosje së strukturës drejt prerjeve më të mëdha, kryesisht 5,000 dhe 10,000 lekë./Tv Scan

The post 50-lekëshi, monedha e vetme që u falsifikua në 2025/ Minimum historik i kartëmonedhave false. U sekuestruan vetëm 107 appeared first on Fast News Economy.

Sipas të dhënave nga Agjencia e Sigurimit të Depozitave (ASD) në fund të vitit 2025 kishte 2.93 milionë llogari të hapura në bankat e nivelit të dytë, por rreth një e treta e tyre janë bosh. Pjesa më e madhe e depozituesve kanë kursime deri në 2.5 milionë lekë. Në kontrast, një përqindje shumë e vogël e depozituesve, më pak sesa 5% zotërojnë më shumë se gjysmën e kursimeve në banka.

Tendencë në 2025-n është rritja e numrit të depozituesve të mëdhenj, por dhe e atyre me zero lekë në llogari, duke treguar për një shtim të pabarazisë në vend, ku kursimet po përqendrohen në më pak individë.

Në fund të vitit 2025, individët në vend kishin të hapura gjithsej 2.93 milionë llogari bankare, të cilat janë të sigurueshme, ose 5% më shumë se një vit më parë. Në këto llogari bankare, sipas ASD-së kishte gjithsej 1.39 trilionë lekë, me një rritje prej 8.8% me bazë vjetore.

34.5% e këtyre llogarive janë bosh. Sipas të dhënave nga ASD janë mbi 1 milionë depozitues të cilët janë një balancë nga zero deri në 100 lekë. Në krahasim me një vit më parë, numri i depozituesve pa asnjë lek është rritur me 6.5%.

Rreth 1.78 milionë depozitues të tjerë, ose 60.8% e totalit kishin në banka kursime që variojnë nga 100 lekë në 2.5 milionë lekë, që është niveli i mbulimit të depozitave nga sigurimi. Këto quhen nga ASD depozitues të vegjël.

Numri i depozituesve të vegjël u rrit me 3.9% në krahasim me vitin e mëparshëm. Sipas ligjit, Depozituesi në çdo bankë sigurohet në masën 100%, por në çdo rast jo më shumë se 2.5 milionë lekë. Shuma e depozitave që u korrespondon këtyre depozituesve arriti vlerën 568 mld lekë, ose 40.9% e totalit të depozitave të sigurueshme, në rënie nga 42% që ishte kjo peshë një vit më parë.

Në kontrast, një pakicë e depozituesve zotërojnë pjesën më të madhe të kursimeve në banka. Sipas ASD-së janë 137.5 mijë depozitues individë, kursimet e të cilëve janë më të mëdha sesa 2.5 milionë lekë, me një rritje prej 9.3% në raport me 2024-n, duke shënuar ritmet më të larta të zgjerimit nga të gjitha kategoritë.

Këta përbëjnë vetëm 4.6% të numrit total të depozituesve, por ndërkohë zotërojnë 59% të shumës së depozituar në banka. Në total shuma e depozitave të tyre arriti vlerën 819 mld lekë. Në krahasim me një vit më parë, pesha e depozituesve të mëdhenj është rritur, nga 4.5% që ishte në 2024-n, kur ata dorëzonin 58% të kursimeve në banka.

ASD sqaron se numri total i depozituesve është përcaktuar duke mbledhur të dhënat e agreguara të raportuara nga çdo bankë, kështu që një person i cili ka depozita në disa banka është regjistruar disa herë.

Fondi i sigurimit rritet më tej, mbulon 7.8% të depozitave të siguruara

Raporti i mbulimit të depozitave të siguruara bankare nga fondi i Agjencisë së Sigurimit të Depozitave (ASD) u rrit më tej në 2025. Sipas informacionit të ASD-së, raporti arriti në 7.83%, nga 7.61% që pati qenë një vit më parë.

Ky tregues llogaritet si raporti mes vlerës totale të fondit të sigurimit të depozitave bankare dhe vlerës totale të depozitave të siguruara. Rritja e këtij raporti tregon se fondi i sigurimit të ASD edhe vitin e kaluar është rritur me ritme më të shpejta se vlera e depozitave të siguruara.

Vlera e fondit të sigurimit të depozitave në banka në fund të vitit të kaluar arriti në 77.5 miliardë lekë, lekë me një rritje prej 10.5% krahasuar me një vit më parë.

Ky fond ka dy burime kryesore financimi: primet që paguhen nga bankat dhe të ardhurat nga investimi i fondit.

Të ardhurat nga primet e sigurimit për vitin 2025 arritën në 4.68 miliardë lekë ose 6.4% më shumë se në vitin 2024. Në dekadën e fundit, të ardhurat nga primet kanë ardhur vazhdimisht në rritje, gjë që lidhet drejtpërsëdrejti me rritjen e depozitave të siguruara në sistemin bankar në këto vite.

Ndërsa të ardhurat nga investimi i mjeteve financiare të fondit të sigurimit të depozitave në banka për vitin 2025 ishin 2.91 miliardë lekë ose 3% më shumë se në vitin 2024.

Sipas ASD-së, rritja e të ardhurave për vitin 2025 vjen kryesisht nga rritja e portofolit dhe nga të ardhurat për investimet mbi një vit të realizuara gjatë viteve të mëparshme.

Gjatë vitit 2025, normat e interesit kanë shfaqur një tendencë rënëse krahasuar me vitet paraardhëse, kryesisht për maturitet afatshkurtra dhe afatmesme, duke reflektuar zhvillimet në politikën monetare dhe kushtet e përgjithshme të tregut financiar. Kjo ka sjellë një rritje më të ulët të të ardhurave nga investimet krahasuar me vitet e mëparshme.

Mjetet financiare të fondit të sigurimit të depozitave investohen investohen në instrumente financiare me rrezik të ulët, kryesisht bono dhe obligacione qeveritare.

Për bankat tregtare, primi tremujor i sigurimit të depozitave përllogaritet si 0.125% e mesatares aritmetike të shumës së depozitave të siguruara, që janë regjistruar në bankë në ditën e fundit të çdo muaji të tremujorit të mëparshëm.

Aktualisht, skema e sigurimit të depozitave bankare në Shqipëri garanton një mbulim ligjor deri në shumën maksimale prej 2.5 milionë lekësh.

Por, në vijimësi të procesit të integrimit, legjislacioni shqiptar për sigurimin e depozitave duhet të përputhet gradualisht me atë të Bashkimit Europian. Direktiva e Bashkimit Europian 49/2014 kërkon që vlera e sigurimit të depozitave në vendet anëtare të jetë të paktën 100 mijë euro.

Megjithatë, rritja e menjëhershme me afërsisht katër herë e nivelit maksimal të mbulimit të depozitave do të ishte e vështirë. Për këtë arsye, ASD-ja projekton një rritje me dy etapa.

Me ligjin e ri “Për sigurimin e depozitave”, që parashikohet të dërgohet për miratim brenda vitit 2026 ose fillimit të vitit 2027, do të ketë një rritje të ndërmjetme të shumës së mbulimit të depozitave, nga 2.5 milionë lekë në 6 milionë lekë.

Në një etapë të dytë, në momentin e anëtarësimit në Bashkimin Europian, shuma maksimale e sigurimit të depozitave do të rritet në kufirin e parashikuar në direktivë, prej 100 mijë eurosh./Monitor

The post Pabarazia, 1 milion llogari në banka janë bosh; 4.7% e depozituesve kanë 59% të kursimeve totale appeared first on Fast News Economy.

S&P parashikon një rritje të PBB-së reale prej 3.7% për vitin 2025 dhe mbi 3% për periudhën 2027-2029. Turizmi do të vazhdojë të mbetet një shtyllë kyçe e rritjes ekonomike. Flukset e shërbimeve të nxitura nga turizmi kanë forcuar pozicionin e jashtëm të Shqipërisë, duke ndihmuar në ngushtimin e deficitit të llogarisë korrente në shifra të ulëta njëshifrore.

S&P parashikon një deficit buxhetor prej rreth 2.4% të PBB-së në vitin 2026, paksa mbi objektivin 2.3% të autoriteteve për shkak të supozimeve paksa më të ulta të rritjes ekonomike për 2026.

Gjatë periudhës afatmesme, agjencia parashikon që deficitet të jenë mesatarisht rreth 2% të PBB-së deri në vitin 2029 dhe borxhin publik të stabilizohet pranë 50% të PBB-së nën kuadrin fiskal të ankoruar nga Ligji Organik i Buxhetit. Kjo qasje e matur fiskale do të sigurojë stabilitetin e vazhdueshëm të financave publike.

Një zhvillim pozitiv i theksuar nga S&P është progresi i procesit të anëtarësimit të Shqipërisë në BE, ku Shqipëria ka hapur tashmë të gjitha kapitujt negociues të “acquis-it” të BE-së, duke shënuar një gur kilometrik të rëndësishëm në bisedimet e anëtarësimit.

Rezervat valutore të Shqipërisë janë forcuar ndjeshëm, duke u rritur në 8.7 miliardë dollarë në Janar 2026, me një rritje prej rreth 33% krahasuar me vitin e kaluar, të mbështetura nga flukset e forta nga turizmi, remitancat dhe investimet e huaja direkte.

Sektori bankar mbetet likuid, i mirëkapitalizuar dhe fitimprurës. Kreditë e këqija kanë vazhduar të ulen në 3.85%, duke reflektuar standarde të forta të miratimit dhe rritje të fortë të kredisë.
Konfirmim i vlerësimit nga S&P është një tregues i qartë i progresit të vazhdueshëm të Shqipërisë dhe një sinjal pozitiv për investitorët ndërkombëtarë, gjë që reflekton qëndrueshmërinë e fortë ekonomike të vendit dhe menaxhimin më efektiv të politikave.

The post “Standard & Poor’s lë të pandryshuar vlerësimin për borxhin e Shqipërisë në “BB” appeared first on Fast News Economy.

Megjithatë, në krahasim me janarin e vitit 2025, kur paraja jashtë bankave ishte rreth 422 miliardë lekë, niveli aktual rezulton rreth 59 miliardë lekë më i lartë, ose një rritje e ndjeshme në terma vjetorë.

Rritja e parasë në qarkullim jashtë bankave zakonisht lidhet me zgjerimin e aktivitetit ekonomik dhe rritjen e konsumit, por njëkohësisht pasqyron edhe preferencën e vazhdueshme të individëve dhe bizneseve për të përdorur para fizike, pavarësisht zgjerimit gradual të pagesave elektronike dhe shërbimeve bankare digjitale në vend.

Kultura e pagesave me para në dorë, normat jo shumë tërheqëse të interesit për depozitat, mungesa e terminaleve POS në shumë pika shitjeje për shkak të komisioneve të larta bankare, si edhe niveli i lartë i informalitetit, janë disa nga faktorët kryesorë që nxisin mbajtjen e parasë jashtë bankave. Në këtë panoramë përfshihet edhe paraja nga burime të paligjshme, e cila zakonisht qarkullon jashtë kanaleve formale.

Edhe besimi i ulët në sistemin bankar, niveli i dobët i edukimit financiar, preferenca për likuiditet të menjëhershëm dhe rezistenca ndaj pagesave elektronike janë faktorë ndikues.

Për të frenuar këtë tendencë, qeveria dhe Banka e Shqipërisë kanë ndërmarrë masa për të nxitur përdorimin e pagesave elektronike, përfshirë uljen e komisioneve bankare, promovimin e edukimit financiar, vendosjen e kufijve për pagesat cash mes individëve dhe bizneseve, si dhe masa për reduktimin e informalitetit. Autoritetet presin që këto politika të ulin gradualisht varësinë nga paraja fizike në vitet në vijim, megjithëse të dhënat tregojnë se rruga drejt një ekonomie më pak cash mbetet ende e gjatë./Tv Scan

The post Paraja që nuk hyn në banka – 481 miliardë lekë në qarkullim jashtë sistemit. Çfarë po e mban “gjallë” cash-in? appeared first on Fast News Economy.

Më poshtë janë disa nga gratë më të pasura në botë aktualisht, sipas vlerësimeve të fundit të pasurisë globale.

1. Alice Walton

Pasuria: rreth 101 miliardë dollarë
Shtetësia: SHBA

Alice Walton është vajza e themeluesit të gjigantit të retail-it Walmart, Sam Walton. Ajo konsiderohet gruaja më e pasur në botë. Ndryshe nga shumë trashëgimtarë të tjerë, Walton është fokusuar më shumë në filantropi dhe art, duke investuar miliarda në projekte kulturore dhe edukative.

2. Françoise Bettencourt Meyers

Pasuria: rreth 81.6 miliardë dollarë
Shtetësia: Francë

Françoise Bettencourt Meyers është trashëgimtarja e perandorisë së kozmetikës L’Oréal. Familja e saj ka kontrolluar kompaninë për dekada dhe ajo është gjithashtu e njohur për aktivitetet filantropike dhe shkrimet mbi historinë dhe kulturën.

3. Julia Koch

Pasuria: rreth 74.2 miliardë dollarë
Shtetësia: SHBA

Julia Koch dhe familja e saj trashëguan pjesën e biznesit të bashkëshortit të ndjerë, David Koch, një nga drejtuesit e Koch Industries. Kompania operon në industri të ndryshme, nga energjia dhe kimikatet deri te prodhimi industrial.

4. Jacqueline Mars

Pasuria: rreth 42.6 miliardë dollarë
Shtetësia: SHBA

Jacqueline Mars është një nga trashëgimtaret e kompanisë Mars Inc., e njohur për produkte ikonike si Snickers, M&M’s dhe Twix. Mars është një nga kompanitë më të mëdha private në botë.

5. Rafaela Aponte-Diamant

Pasuria: rreth 37.7 miliardë dollarë
Shtetësia: Zvicër

Rafaela Aponte-Diamant është bashkëthemeluese e Mediterranean Shipping Company (MSC), një nga kompanitë më të mëdha të transportit detar në botë. Historia e suksesit të saj nisi nga një biznes i vogël familjar që sot kontrollon një pjesë të madhe të transportit global.

6. Savitri Jindal

Pasuria: rreth 35.5 miliardë dollarë
Shtetësia: Indi

Savitri Jindal drejton një nga konglomeratet më të mëdha industriale në Indi, JSW Group, me aktivitete në çelik, energji dhe infrastrukturë.

7. Abigail Johnson

Pasuria: rreth 32.7 miliardë dollarë
Shtetësia: SHBA

Abigail Johnson është CEO e gjigantit financiar Fidelity Investments dhe një nga figurat më të fuqishme në industrinë globale të investimeve.

8. Miriam Adelson

Pasuria: rreth 32.1 miliardë dollarë
Shtetësia: SHBA

Miriam Adelson është aksionere kryesore e kompanisë së kazinove dhe resorteve luksoze Las Vegas Sands. Ajo është gjithashtu e njohur për kontributet në filantropi dhe kërkime mjekësore.

9. Marilyn Simons

Pasuria: rreth 31 miliardë dollarë
Shtetësia: SHBA

Marilyn Simons është e lidhur me fondacionin shkencor Simons Foundation dhe investimet e familjes në financë dhe teknologji.

10. Melinda French Gates

Pasuria: rreth 30 miliardë dollarë
Shtetësia: SHBA

Melinda French Gates është një nga filantropet më të njohura në botë dhe bashkëthemeluese e Bill & Melinda Gates Foundation, një nga fondacionet më të mëdha për zhvillim dhe shëndet global.

Rritja e numrit të grave miliardere tregon një transformim të rëndësishëm në ekonominë globale. Ato jo vetëm që trashëgojnë perandori biznesi, por gjithnjë e më shumë po luajnë rol aktiv në drejtimin e kompanive, investime strategjike dhe filantropi. Nga retail-i dhe kozmetika deri te transporti global dhe investimet financiare, këto gra përfaqësojnë një pjesë të rëndësishme të kapitalit dhe ndikimit ekonomik në botë. Në një ekonomi gjithnjë e më globale dhe konkurruese, ndikimi i tyre pritet të rritet edhe më shumë në vitet e ardhshme./ forbes, business mag

The post Gratë më të pasura në botë! Kush janë miliarderet që dominojnë ekonominë globale (Mars 2026) appeared first on Fast News Economy.