1. Rezervoni biletën muaj përpara

Edhe pse duket si një këshillë klasike udhëtimi, është shumë e rëndësishme. Duke u bazuar tek Skyscanner, muajt më të lirë për të bërë rezervime janë Nëntori dhe Maji. Sa më parë të rezervoni, aq më e lirë është bileta.

2. Vini re paketat (Package Deals)

“Package Deals” janë një mënyrë praktike për të kursyer para. Arsyeja se pse këto paketa ekzistojnë është që diçka jo e shitur të shitet me atë më të shiturën. Për këtë arsye, mendoj se ju duhet të bëni kërkime përpara se të bleni këto paketa.

3. Fokusohuni në periudhat kalimtare

Nëse po kërkoni për një vend specifik për të udhëtuar, si një plazh ose një resort skish, atëherë të shkuarit gjatë stinëve të ndërmjetme do t’ju kursejë goxha. Jo vetëm koha do të jetë e këndshme, por nuk do të rrethoheni nga grupe të tjera turistësh.

4. Mësoni të gatuani

Ndoshta mënyra më e mirë për të kursyer është duke gatuar vetë. Dita ka tre vakte, imagjinoni nëse do të hanit jashtë për secilën prej tyre.

5. Kthejeni në një udhëtim pune

Kompromisi midis punës dhe udhëtimit është një udhëtim pune. Mundohuni të bindni shefin tuaj që të shkoni në ndonjë konferencë ose takim jashtë shtetit. Kjo do të ishte një shkëputje efektive nga rutina e përditshme, por pa u shkëputur kompletisht nga puna.

6. Sa më shumë aq më mirë

Një mënyrë fantastike për të kursyer para është që të marrësh njerëz të tjerë me vete. Kjo varet shumë nga njerëzit që do të donit të kishit me vete në pushime, por duke udhëtuar me një grup kostot ulen shumë.

7. Shmangni “kurthet” e turistëve

Nuk po them që të mos vizitoni vendet popullore, por duhet të kuptoni që kur udhëtoni, ka shumë skema marketing-u që t’ju zhvasin gjatë pushimeve. Thjesht dhe pastër, shkoni vetëm aty ku doni të shkoni dhe kaq, mos u influenconi nga taktikat e industrisë të turizmit.

8. Fokusohuni në gjërat falas

Bota është e mbushur me gjëra 100% falas. Shumë pika turistike, aktivitete etj janë duke ju pritur, vetëm se duhet të dini ku të kërkoni. E di që është pak e konsumuar nëse them “gjërat më të mira në botë janë falas”, por në këtë rast, është e vërtetë.

The post Si ta shëtisni botën pa harxhuar shumë para appeared first on Fast News Economy.

Njerëzit e zgjuar përdorin mendimin kritik dhe arsyetimin, në vend të supozimeve, për të kuptuar botën rreth tyre.

Jeta nuk është e gjitha punë – Njerëzit e zgjuar e dinë këtë dhe përpiqen për të gjetur një ekuilibër. Një nga gjërat më të rëndësishme që njerëzit e zgjuar bëjnë çdo ditë, është të “shpërblejnë” veten. Qoftë një udhëtim në Karaibe, qoftë një gëj e vogël si një akullore, njerëzit e zgjuar e shpërblejnë veten kur bëjnë gjëra të mira.

Përqendrohen në ndjekjen e instinktit – Ne të gjithë e kemi atë zë brenda në kokën tonë, që na tregon se e kemi gabim, jemi shumë qesharakë, ose nuk të mirë aq sa duhet. Njerëzit e zgjuar e dinë se është e pamundur që ta eliminosh plotësisht këtë zë, kështu që ata përqendrohen në ndjekjen e instinktit, dhe e zvogëlojnë peshën që i japin zërit të bezdisshëm.

Njerëzit e zgjuar kanë opinione për çdo gjë – Edhe në qoftë se ata nuk janë të interesuar për Kardashianët ose politikën e naftës, njerëzit e zgjuar vetë-edukohen në lidhje me tema të ndryshme, dhe e kanë të lehtë të hyjnë në një bisedë me këdo që takojnë.

Sa më i zgjuar je, aq më vonë shkon të flesh përnatë – Të fjeturit vonë dhe zgjimi i vonshëm lidhet me një koeficient inteligjence më të lartë. Edhe pse nuk ka domosdoshmërisht një lidhje shkakore këtu, njerëzit më të zgjuar në përgjithësi preferojnë që të qëndrojnë zgjuar deri pas mesnate.

Njerëzit e zgjuar lidhin qartësisht veprimet dhe pasojat – Ata vlerësojnë opsionet e tyre, në vend se të marrin vendime impulsive, pa marrë parasysh rezultatin.

Të mençurit janë këmbëngulës – Mund të duket si ide e mirë që të braktisësh shpejt një anije që po fundoset, por njerëzit e zgjuar e dinë se anija mund të ketë vetëm një rrjedhje të vogël dhe ajo mund të shpëtohet. Ata praktikojnë këmbënguljen, duke e ditur se zakonisht gjërat janë të vështira, para se të bëhen të lehta. Ndërsa njerëzit e tjerë mund të heqin shpejt dorë gjatë rrugës, njerëzit e zgjuar e ruajnë besimin dhe vazhdojnë përpara.

Njerëzit e zgjuar përqendrohen edhe në forcimin e të tjerëve, edhe pse mund të duket se forcimi i vetvetes është mënyra më e mirë për të përparuar në jetë. Ata përmirësojnë jetët e të tjerëve, duke e ditur që sa më mirë të jenë të tjerët, aq më shumë ata mund t’i ndihmojnë për të ecur përpara.

Jeta moderne është e mbushur me shpërqendrime – Vija ndarëse mes njerëzve tepër të zgjuar dhe atyre mesatarisht të zgjuar është se si ata merren me këto gjëra të përditshmërisë. Njerëzit e zgjuar përballen me një stuhi shpërqendrimesh të përditshme, por e dinë se si t’i lënë mënjanë, dhe të përqendrohen në gjërat më të rëndësishme.

Ata dështojnë, dhe shumë madje – Rritja më e mirë në jetë vjen nga dështimet tona, dhe ne nuk mund të dështojmë, në qoftë se nuk përpiqemi. Njerëzit e zgjuar janë papushim të orientuar nga eksperienca, duke provuar gjëra të ndryshme dhe duke pranuar se dështimi është pjesë e natyrshme e jetës dhe rritjes.

Njerëzit e zgjuar janë aq të zgjuar sa ta dinë se nuk janë dhe aq të zgjuar – Si i thotë ajo shprehja: “Sa më shumë mësoj, aq më shumë e kuptoj se sa shumë nuk di”. Njerëzit e zgjuar nuk kanë nevojë të tregojnë njohuritë e tyre dhe të veprojnë sikur i dinë të gjitha. Ata e kuptojnë se inteligjenca tregohet më mirë nga pyetjet e bëra, sesa përgjigjeve të dhëna.

Përderisa ne nuk mund të kemi të gjitha përgjigjet, njerëzit e zgjuar rrethohen nga njerëz të zgjuar. Shpesh, ata janë të rrethuar me njerëz që janë edhe më të zgjuar se ata. Mendoni Richard Bransonin apo Steve Jobsin; duke u rrethuar nga njerëz të zgjuar, ata besonin se ekipet e tyre do të merrnin vendime të mira.

Ata mësojnë prej gabimeve – Duhet të jetë e vetëkuptueshme, që ne duhet të mësojmë prej gabimeve tona, por për çudi, shumë njerëz nuk e bëjnë. Njerëzit e zgjuar identifikojnë çdo gabim, si një mundësi për të mësuar dhe i shqyrtojnë vendimet e të kaluarës, me qëllim që të marrin vendime më të mira në të ardhmen.

Njerëzit e zgjuar janë vazhdimisht në kohë – Mendojeni pak: Sa herë që vonoheni për një takim, kjo i thotë tjetrit se koha juaj është më e rëndësishme se e tija. Njerëzit e zgjuar e dinë se të tjerët e mbajnë mend se si i ke trajtuar, dhe përpiqen gjithmonë të jenë në kohë.

Noto ose mbytu është bërë loja e ditës – me ritmin e çmendur të ndryshimit në botën e sotme. Njerëzit e zgjuar përshtaten përditë, duke ndryshuar veten dhe proceset e tyre bazuar në situatën aktuale. Ata zgjidhin problemet e reja në mënyra krijuese, gjë që i bën të dallojnë nga të tjerët.

The post 15 gjëra që njerëzit e zgjuar i bëjnë përditë appeared first on Fast News Economy.

Sipas statistikave, një familje amerikane shpenzon rreth 11 000 dollarë vetëm për vitin e parë të jetës së fëmijës dhe rreth 250 000 dollarë në moshën 18-vjeçare.

Janë pyetur prindër me fëmijë të moshave të ndryshme për të matur shpenzimet financiare që ata kanë prej fëmijëve. Ka nga ata që mendojnë se për fëmijët ja vlen të shpenzohet, disa të tjerë janë treguar më racionalë duke treguar kostot e shumta që vijnë si pasojë e veshjeve të shtrenjta apo elektronikës pas të cilës fëmijët janë të apasionuar.

Çdo prind e mendon ndryshe dhe sigurisht që çdo shpenzim vlerësohet ndryshe.

Më poshtë ne kemi renditur gjërat që sipas disa prindërve nuk ja vlen të shpenzosh:

Rroba të shtrenjta

Për fëmijët, do të ishte mirë të kishin shumë rroba. Ata janë në aktivitet të vazhdueshëm dhe duhet t’I ndërrojnë veshjet edhe pse ndonjëherë përfundojnë duke veshur këmishën e tyre të preferuar një javë rresht. Por duke qenë se ata rriten shumë shpejt e mira është të bleni veshje të lira, në këtë mënyrë dhe mundësitë e kombinimit do të jenë më të shumta.”

Lodra

• Lodra të shtrenjta

• “Lojëra elektronike për fëmijë nën moshën 13 vjeç”

• Shpenzime për Krishtlindje

• Festat për ditëlindje

Pushime të shtrenjta me fëmijët e vegjël

Nuk është e nevojshme të bëni “pushime të shtrenjta” kur fëmijët janë të vegjël; ata nuk do e mbajnë mend këtë pjesë. Mund bëni udhëtime apo të vizitoni qytete të ndryshme kur ata të jenë në një moshë në të cilën të arrijnë të kuptojnë dhe vlerësojnë atë që jen duke bërë.

Të zhvendosesh në një shtëpi më të madhe

“Ne kemi blerë një shtëpi vërtet të madhe. Tani kemi 6 dhoma gjumi, 5 tualete gjigante, papafingo, hapësirë për zyrën dhe depo. Të gjithë kemi hapësirën që na duhet por buxheti që kemi nuk mjafton për t’i mobiluar gjithë këto hapësira apo për të bërë pushimet që kishim planifikuar.”

The post Disa shpenzime për fëmijët janë të panevojshme appeared first on Fast News Economy.

Prandaj, ka disa gjëra që nuk duhet t’i fusni në një portofol për të mbrojtur sigurinë tuaj financiare dhe atë personale. Më poshtë, kemi renditur gjashtë nga gjërat më të rëndësishme që nuk duhet t’i ruani në portofol.

1. SHUMA TË MËDHA PARASH

Ka disa njerëz që janë kundër llogarive bankare … ose kasafortave. Nëse jeni një nga këta individë, ju rrezikoni sigurinë tuaj duke mbajtur sasi të mëdha parash në portofolin tuaj. Pas vjedhjes, ndryshe nga llogaritë e organizuara financiare, paratë prej letre nuk kanë një gjurmues dhe kjo do të thotë që ti nuk mund të rimarrësh faturat e vjedhura.

Prandaj duhet t’i besoni kartave plastike. Jo vetëm që është një bezdi për të mbajtur diçka kaq të rëndë në xhepin tuaj, por është gjithashtu shumë e rrezikshme.

2. PIN-E DHE FJALËKALIME

Disa njerëz shkruajnë PIN-in e kartës së debitit dhe fjalëkalimet për llogari të ndrysheme në rast se i harrojnë dhe i mbajnë ato në kuletat e tyre, tha Bruemmer. Megjithatë, ky informacion duhet gjithmonë të lihet në shtëpi në një vend të sigurt. “Nëse dikush ka akses në PIN-in tuaj bankar ose fjalëkalimet e llogarisë financiare, ata lehtësisht mund të vjedhin para nga llogaritë tuaja ose të bëjnë blerje nën emrin tuaj”, tha Bruemmer.

3. CERTIFIKATËN E LINDJES OSE PASAPORTËN

Është më mirë që kur dilni certifikatën e lindjes dhe pasaportën t’i mbani në shtëpi. “Ashtu si numri juaj i sigurimeve shoqërore, këto dokumenta përmbajnë disa informacione të rëndësishme dhe personalisht të identifikueshme, dhe humbja e tyre do ta bënte shumë të lehtë për hajdutët që të vjedhin identitetin tuaj”, tha Bruemmer. Për fat të keq, më shumë se gjysma e udhëtarëve të anketuar nga Experian thanë se i mbanin pasaportat në kuletat e tyre. Nëse jeni duke udhëtuar jashtë shtetit, për më shumë siguri ju sugjerojmë që pasaportën tuaj ta ruani të kyçur në hotel, në vend që ta mbani atë me vete, ndërkohë që eksploroni qytetin.

4. ÇELËSAT REZERVË

Një portofol i humbur që përmban adresën tuaj të shtëpisë dhe një çelës rezervë janë një ftesë për grabitësit për të bërë shumë më tepër dëm sesa thjesht të hapin një kartë kreditit në emrin tuaj. Mos rrezikoni pronën dhe familjen tuaj.

5. KARTONIN E SIGURIMEVE SHOQËRORE

Ju nuk duhet të mbani kurrë në portofolin tuaj Kartonin e Sigurimeve Shoqërore. Numri juaj i Sigurimeve Shoqërore është pjesa më e rëndësishme e informacionit për hajdutët e identitetit dhe dëmet që rezultojnë nga vjedhjet e identitetit mund të ndikojnë financat tuaja në vitet në vijim.

Nëse dikush merr numrin tuaj, ai ose ajo mund ta përdori atë për të aplikuar për kredi në emrin tuaj, për të paraqitur një deklaratë tatimore dhe për të kërkuar një rimbursim ose për të marrë një punë dhe për të fituar të ardhura që nuk iu përkasin.

Sipas Administratës së Sigurimeve Shoqërore, kjo mund të jetë shkatërruese. Ndërkohë që mund të merrni një numër të ri të sigurimeve shoqërore, duhet të keni dëshmi se dikush po e përdor atë aktual. Megjithatë, disa agjenci qeveritare dhe biznese, siç janë bankat, mund t’ju lidhin me numrin e vjetër – edhe pasi ta bëni kalimin.

6. TELEFONIN

Shumica e telefonave nuk mund të përshtaten në kuletat standarde, prandaj prodhuesit kanë krijuar kasa për smartphone që dyfishohen si porofol apo mbajtëse çelësash. Ata zakonisht përfshijnë dy xhepa që ju lejojnë të ruani dy ose katër karta dhe disa kartëmonedha.

Ndërkohë që ju lejojnë të mbani më shumë sende, duke marrë më pak hapësirë, ky kombinim është mjaft i rrezikshëm. Së pari, disa karta mund të ngatërrohen me valët e telefonit celular, duke e bërë këtë një ide të keqe për t’i mbajtur ata në të njëjtën hapësirë. Së dyti, nëse portofoli humbet i thoni mirupafshim telefonit tuaj.

The post 6 gjëra që nuk duhet t’i mbani kurrë në portofol appeared first on Fast News Economy.

Një sondazh i fundit i më shumë se 1,000 njerëzve pyeti ata se pa cilat gjëra do të mund dhe nuk do të mund të jetonin.

Padyshim, gjëja e parë të cilën njerëzit do ta jepnin ishin peshqirët e mirë. Mirëpo, kur erdhi fjala tek udhëtimet, dërgesën e ushqimit, Netflix, kafenë dhe më shumë, vendimet u bënë më të vështira.

Në përgjithësi dhe pa dyshim, njerëzit kategorizuan Wi-Fi dhe telefonin e tyre të mençur si dy gjërat të cilat duhet t’i kenë ‘’patjetër’’. Afër tyre ishin kafshët shtëpiake, tharësja dhe një dyshek i mirë, të cilët gjithashtu i radhitën ato në kategorinë ‘’e domosdoshme’’.

Kur është fjala tek shëndeti dhe mirëqenia, njerëzit gjithashtë bënë prioritet ngrënjen jashtë në vend të shkuarjes në palestër. Në mes kafesë dhe alkoolit, shumica prej tyre zgjodhën kafenë.

Por ju, çfarë do të jepnit? Shikoni infografikën e Thermostat më poshtë për të zbuluar më shumë.

The post Gjërat luksoze pa të cilat njerëzit nuk mund të jetojnë appeared first on Fast News Economy.

Mundësitë mund të jenë të njëjta, por jo të gjithë kanë të njëjtën qasje ndaj pasurisë dhe parasë në përgjithësi.

Në këtë artikull do t’ju tregojmë disa pika, në mënyrë që të kuptoni nëse keni premisa për t’u bërë të pasur apo jo. Sigurisht, asgjë nuk duhet t’ju demotivojë apo t’ju bëjë pesimistë ndaj asnjëherë mos u dorëzoni!

Kini kujdes, ato që do t’ju rreshtojmë më poshtë mund të jenë lehtësisht të përmirësueshme, ndaj është më mirë kur ia dini defektet vetes. Nëse keni edhe ju shenjat e mëposhtme, nuk jeni të lindur për të qenë një Bill Gates.

Ju harxhoni më shumë energji për të kursyer sesa për të gjetur mundësi për të fituar më shumë para.

Ju nuk keni asnjë ide investimi dhe as nuk keni tentuar ta bëni diçka të tillë.

Ju jeni në rregull nëse keni një pagë konstante, kaq doni.

Ju blini edhe gjëra të cilat nuk keni mundësi t’i keni.

Ju jeni ndjekur ëndrrën e dikujt tjetër, jo ëndrrën që do të donit ju të bënit realitet.

Ju rrallë herë dilni nga zona e komfortit.

Ju nuk i vini synime vetes lidhur me paratë.

Në fillim ju harxhoni, pastaj ruani pjesën që ngelet.

Ju besoni se nuk do të jeni kurrë miliarder.

The post Shenjat që tregojnë se s’do të jeni kurrë i pasur appeared first on Fast News Economy.

Tani, një studim i ri nga Universiteti College London i cili shikoi shprehitë e shpenzimeve nga individët me të ardhura të ulëta ka zbuluar se personat e hapur kanë tendencë të shpenzojnë më shumë në produkte dhe përvoja të cilat lidhen me një status të lartë financiar.

Studiuesit punuan me 718 pjesëmarrës, të gjithë konsumatorë në të njëjtën bankë të cilët dhanë informacione për punën dhe të ardhurat e tyre, sa kishin në llogarinë e tyre të kursimeve, nëse ishin në borxh, moshën e tyre dhe se sa para tërheqnin nga llogaritë e tyre.

Pjesëmarrësit iu dhanë studiuesve qasje në të dhënat e tyre nga 12 muajt e fundit.

Ata gjithashtu mbushën një pyetësor në të cilin krahasoheshin kur ishte fjala tek pesë tipare themelore të personalitetit, pajtueshmëria, ndërgjegjja, shoqërimi, gjendja e keqe mendore dhe sinqeriteti.

Blerjet gjithashtu u ndanë në kategori. Udhëtimet ajrore ndërkombëtare, mjetet teknologjike dhe institutet kulturore hynë në kategorinë e statusit të lartë përderisa shpenzimi në dyqane me zbritje, pengmbajtës dhe gjëra të përdorura hynë në kategorinë e statusit të ulët.

Pjesëmarrësit me të ardhura të ulëta të cilit ishin shumë të hapur shpenzuan më shumë në gjëra të kategorisë së lartë krahasuar me ata të cilët ishin të turpshëm, edhe pasi morën parasysh kursimet, borxhet, moshën dhe statusin e punës.

Mirëpo, përderisa të ardhurat rriteshin, studiuesit zbuluan se personaliteti nuk kishte të bënte me atë se si njerëzit shpenzonin paratë e tyre.

The post Personat e hapur shpenzojnë më shumë para, edhe kur s’i kanë appeared first on Fast News Economy.

Ja çfarë thotë një studim i fundit!

Pagat më të larta lejojnë një fuqi më të madhe blerëse, dhe si pasojë edhe një mënyrë jetese të shëndetshme. Për dekada të tëra ky ishte shpjegimi kryesor për zgjatjen e mundshme të jetës njerëzore (mesatarisht 71.4 vjet, nëse marrim parasysh të gjithë popullsinë tokësore).

Nëse në erën para-industriale ka pasur një jetë mesatare prej 30 vjetësh, sot jetëgjatësia është më shumë se dyfishuar. Por, a është me të vërtetë gjithçka meritë e pasurisë më të madhe, ndonëse ende e shpërndarë keq? Ndoshta jo.

Një kërkim i ri ka testuar dy hipotezat më të njohura në lidhje me shkaqet e këtij progresi. Një, i avancuar në vitin 1975 nga demografi amerikan Samuel Preston, është pikërisht ai i rritjes së pasurisë dhe i dyti i propozuar në vitin 1985 nga kolegët australianë John dhe Pat Caldëell, që vë në pikëpyetje përmirësimin e përgjithshëm global në nivelet arsimore. Studimi i publikuar në Rishikimin e Popullsisë dhe Zhvillimit, zbulon se është rritja e nivelit të arsimit, që na ka dhënë më shumë jetëgjatësi.

Çfarë ka ndikuar më shumë? Dy studiues të Institutit Ndërkombëtar për Sisteme të Aplikuara dhe Analiza (SHBA) dhe të Universitetit të Ekonomisë dhe Biznesit të Vjenës (Austri) kanë testuar dy teoritë duke analizuar të dhënat e mbi 174 vendeve, të mbledhura mes viteve 1970 dhe 2015.

Ata kanë krahasuar informacionet mbi jetëgjatësinë me arsimin dhe të ardhurat për frymë, dhe vunë re se ndërsa ka pasur një lidhje reciproke midis zgjatjes së ekzistencës njerëzore dhe të dy faktorëve (paga më të larta dhe edukim më të mirë), raporti midis jetëgjatësisë dhe studimeve të mira ishte më linear dhe konstant.

Përfundimet. Një arsimim më i kompletuar është një faktor parashikues shumë i mirë i një jete më të gjatë. Dhe kjo, sipas supozimeve të shkencëtarëve, sepse një kulturë e fortë të çon në zgjedhje të shëndetshme të jetesës (p.sh. të ushqyerit ose parandalimi).

Bashkërendimim mes pasurisë dhe jetëgjatësisë – e cila ekziston, edhe pse më pak e qartë – ndoshta është motivuar nga fakti që një kulturë më e mirë jep akses në pozicionet më të larta të punës dhe më të paguar, dhe për këtë arsye një shans më i madh për t’u kujdesur. Por paratë nuk do të ishin shkaku kryesor i një popullsie më jetëgjatë.

Këto rezultate, thonë studiuesit, duhet të bëjnë që investimi në edukimin global të jetë një prioritet absolut në terma politikë.

The post Paraja apo arsimimi e zgjasin jetën më shumë? appeared first on Fast News Economy.

Ndërkohë që ne mendojmë, shqetësohemi, madje dhe stresohemi ne harxhojmë shumë energji nga truri jonë. Prandaj ne kemi më pak energji për të shkuar drejt kreativitetit, paqes, lumturisë, aftësisë për të zgjidhur probleme, apo ndjenjës se ne arrijmë të kontrollojmë jetën tonë.Të mbledhësh mendjen nga ana financiare nuk do të thotë vetëm të blesh një makinë të re apo të shlyesh borxhin. Për shumë njerëz ka lidhje me shëndetin fizik dhe me sasinë e stresit që shkakton mungesa e parave.Sot dua të ndaj me ju pesë bindje që ju keni krijuar që po ju pengojnë të keni liri financiare.

1. Dikush tjetër duhet ta bëjë këtë për mua

Ku përgjegjësit financiare i vendosni mbi dikë tjetër, ju thjesht po blini kohën tuaj, po paguani sasi të vogla në karta krediti, nuk po planifikoni të ardhmen tuaj. Sa më gjatë të rrini e të prisni për atë personin magjik që të fillojë të kujdeset për financat e tua, aq më mbrapa keni për të ngelur. Kur është KOHA e DUHUR për të marr përgjegjësit e tua financiare?… Tani!

2. Mua nuk më ecën me paratë

Bashkohu me grupin. Ka shumë njerëz që nuk dinë t’i menaxhojnë paratë, buxhetin, dhe të planifikojnë të ardhmen financiare. Me siguri ti nuk ke qenë aq i zoti në ecje kur mësove të hedhësh hapat e parë. Por gjithashtu ti nuk ke qenë një shofer i shkëlqyer kur vure duart në timon për herë të parë. Prandaj ne duhet të kemi durim, mësues dhe praktikë.

Menaxhimi financiar nuk është një talent me të cilin ne kemi lindur. Fatmirësisht, ka me miliona libra financiar, emisione në radio, trajnime online, konsulentë, këshillëtarë, dhe trajner. Ndoshta nuk është gjëja që dini të bëni më mirë, por “Mua nuk më ecën me paratë,” nuk është më një justifikim për menaxhimin e keq financiar.

3. Paraja është e babëzitur dhe e pashpirt

E vetmja mënyrë që të bësh para është duke i dhënë asaj vlerë. Nuk ka rëndësi nëse je CEO i kompanisë tënde ose një punëtor i thjeshtë në një fabrikë. Ti po i jep vlerë (produkte/shërbime) kësaj bote në këmbim të një vlere (parasë). Sa më shumë vlerë të japësh, aq më shumë vlerë do të marrësh. Nuk ka gjë më të ndjerë sesa të kultivosh dhuratat e tua unike dhe talentet dhe t’i japësh vlerë kësaj bote.

4. Unë nuk jam __ mjaftueshëm

Unë nuk jam i zgjuar mjaftueshëm. Unë nuk jam i edukuar mjaftueshëm. Unë nuk jam i vjetër/i ri mjaftueshëm. Plotësojeni hapësirën bosh sipas dëshirës. E vërteta është se, nuk ka rëndësi se çfarë justifikimi zgjedh të mbushësh hapësirën, me shumë mundësi ti njeh dikë i cili e ka kaluar këtë pengesë dhe ka arritur një sukses financiar.

Mos harro, askush nuk do të vlerësoj më shumë se vetja. Nuk ka buxhet të mjaftueshëm që mund të të ndihmojë të bëhesh i suksesshëm nëse ti vet nuk beson që ti je vet suksesi. Zëri i brendshëm që thotë “Unë nuk jam __ mjaftueshëm” do vazhdoj të të mbajë në një jetë mediokre.

5.  Paraja është e rrezikshme, mos bëj para

Chalene Johnson e përdor këtë shprehje kur flet për njerëz të cilët kanë frikë të shpenzojnë para për të fituar para. Të marrësh vendime të bazuara në frikën e humbjes apo dështimit asnjëherë nuk shkon drejt suksesit. Në fakt, zakonisht vendimet e bazuara në frikë do të vjedhin lumturinë tënde apo kënaqësinë e suksesit.

A ke qenë ndonjëherë i frikësuar se mund të humbasësh $10 sesa të fitosh $100?

Nëse po atëherë vendimet e tua të biznesit janë të bazuara në frikë, dhe nuk sjellin asnjë mirëqenie. Ka mendime të ndryshme mes atyre që marrin vendime financiare për t’u larguar nga frika dhe atyre që marrin vendime financiare për të rritur mirëqenien. Vendimet e marra me frikë do të mbajnë në varfëri.

The post Pesë mendime që ju pengojnë të bëheni i pavarur financiarisht appeared first on Fast News Economy.

Mendoj se të gjithë mund të pajtohemi se mjekët, avokatët ose inxhinierët janë profesionistë me të ardhura të larta, por këto aftësi nuk mund të mësohen thjesht në kohën tuaj të lirë pa një arsim formal.

Krijimi i përmbajtjes

Ne jetojmë në një ekonomi krijuese. Disa nga yjet më të mëdhenj të sotëm janë YouTubers, transmetuesit e Twitch ose influencuesit në Instagram. Në fakt, mesatarisht, shpenzojmë më shumë kohë çdo ditë duke konsumuar media dixhitale (të tilla si YouTube ose podcast) sesa mediat tradicionale (si TV ose radio). Ka shumë para për të bërë në ekonominë e krijuesve. Dhe jo, nuk ju duhen 100 mijë ndjekës për të fituar para në internet.

Edhe pse çdokush mund të hapë një kanal në YouTube ose të publikojë në Medium, krijimi i përmbajtjes është një aftësi që duhet ta zhvilloni. Videot ose artikujt tuaj të parë ka të ngjarë të thithin dhe të kenë zero shikime dhe nuk ka problem.

Gjëja e rëndësishme është që ju të filloni duke zhvilluar aftësitë tuaja për krijimin e përmbajtjes. Ju jeni bashkuar me ekonominë e krijuesve. Në ditët e sotme, ekziston një platformë për çdo lloj përmbajtje – qoftë video, blogje, audio ose imazhe. Kur të filloni, ju rekomandoj të nisni me krijimin e përmbajtjes që përshtatet me forcat tuaja natyrore.

Nëse nuk jeni aq i mirë para një kamere, por jeni një shkrimtar vërtet i mirë, mos bëni video në YouTube ose TikTok, por bashkohuni me Medium, Twitter ose LinkedIn. Dhe nëse nuk jeni aq i mirë për një shkrimtar, por mund t’i mbani njerëzit të lidhur me tregimet tuaja, filloni një podcast ose shfaqje në YouTube. Sa më shumë të luani me pikat tuaja të forta, aq më shpejt do të fitoni shikime dhe ndjekës. Sa më shumë shikime dhe ndjekës, aq më shumë para do të fitoni.

Marketingu

Çdo biznes ka nevojë për marketing. Kjo do të thotë se ka shumë kërkesë për marketerë të përgatitur. Pavarësisht nëse po flasim për ekspertë të markës, specialistë reklamash, marketerë dixhitalë ose marketerë të përmbajtjes. Marketingu është një pjesë thelbësore e çdo biznesi. Nuk mjafton vetëm të kesh produkte ose shërbime të mira, të duhet një marketing i mirë për t’u rritur. Pa marketing, klientët tuaj potencialë as nuk do ta kuptojnë se ekzistoni. Si mund të blejnë njerëzit nga ju kur ata as nuk e dinë që ekzistoni?

Meqenëse marketingu është mjaft i gjerë, së pari përqëndrohuni në një nën-aftësi specifike të marketingut, për shembull:

• Branding
• Content Marketing
• Advertising
• Social Media Marketing
• Marketingu B2B
• SEO Marketing
• Email Marketing

Unë kam studiuar marketing në universitet, por mësova shumë më tepër nga vetë-studimi që bëra në kohën time të lirë. Shumë nga marketerët më të mirë nuk kanë një diplomë marketingu. Në vend të kësaj, ju mund të mësoni marketing duke lexuar libra nga marketerë të suksesshëm ose sipërmarrës që flasin nga përvoja reale, duke ndjekur kurse marketingu në internet (nga SkillShare, për shembull) dhe duke studiuar strategjitë e marketingut të markave më të suksesshme të këtij momenti.

Për më tepër, nuk ka mësues më të mirë se përvoja e botës reale. Merrni parasysh të filloni të zbatoni mësimet tuaja të marketingut. Në përgjithësi, marketingu është një aftësi me të ardhura të larta, pavarësisht nëse punoni për veten tuaj ose për një punëdhënës. Marketingu më i mirë është i barabartë me më shumë shitje, është kaq e thjeshtë.

Shitjet

Shumica e kompanive kanë nevojë për marketerë të shkëlqyer dhe shitës me cilësi të lartë. Mbani mend, shitjet dhe marketingu nuk janë saktësisht të njëjta. Të jesh një shitës i mirë nuk do të thotë domosdoshmërisht se je një marketer i mirë dhe anasjelltas.

Për shembull, mund të jeni të shkëlqyeshëm në krijimin e reklamave, por mund të mos jeni aq të shkëlqyeshëm në një bisedë shitje një-me-një, në të cilën duhet të konvertoni një person në një klient. Mund të jeni të shkëlqyeshëm në ndërtimin e një marke, por jo aq të mirë në krijimin e kanaleve të shitjeve me konvertim të lartë. Është një lojë ndryshe.

Zhvillimi i aftësive tuaja të shitjes nuk ndodh në universitet. Është shumë e thatë dhe teorike për t’ju mësuar shitjet. Në vend të kësaj, lexoni disa libra nga disa nga shitësit më të mirë dhe zbatoni këshillat e tyre në jetën reale sa më shpejt të jetë e mundur.

Në përgjithësi, kur të jeni të shkëlqyer në shitje, do të keni kërkesë të lartë nga shumë biznese. Meqenëse aftësia juaj ndihmon drejtpërdrejt në përmirësimin e rezultateve të një kompanie, ju mund të prisni të ardhura të mira, qoftë në komisione shtesë apo një pagesë të majme.

Copywriting

Copywriting është arti i të shkruarit në mënyrë bindëse në mënyrë që lexuesit të kenë më shumë gjasa të kryejnë një veprim të caktuar. Përdoret kryesisht në faqet e shitjeve për të kthyer lexuesit në klientë, por mund të përdoret gjithashtu për t’i kthyer lexuesit në abonentë ose ndjekës.

Copywriting është një aftësi shumë e vlefshme, sepse tenton të rrisë drejtpërdrejt shitjet e një biznesi, qoftë i juaji apo ai për të cilin punoni. Sa më bindës shkrimi juaj, aq më shumë para do të fitoni.

Çdo krijues i përmbajtjes, shkrimtar ose marketer duhet të mësojë të paktën bazat e copywriting. Pavarësisht nëse jeni duke shitur një produkt apo jo, copywriting do të përmirësojë cilësinë e përgjithshme të shkrimit tuaj dhe do ta bëjë përmbajtjen më tërheqëse për lexuesin.

Financat personale dhe Investimi

Unë besoj se të gjithë duhet të mësojnë për financat personale dhe investimin. Është një aspekt kaq thelbësor i jetës sonë, pavarësisht nëse na pëlqen apo jo. Më habit fakti që edhe sot e kësaj dite nuk mësohet ende në shkollë për këtë.

Megjithatë, ne të gjithë duhet të merremi me paratë. Dhe sa më mirë t’i kuptoni, aq më shumë do të bëni dhe mbani. Prandaj, të mësuarit për financat personale dhe investimin është një nga aftësitë më të vlefshme me të ardhura të larta për t’u zhvilluar.

Mungesa e edukimit financiar global është mjaft e dëmshme për shumicën prej nesh. Është koha për ta ndryshuar atë.

Për fat të mirë, menaxhimi i parave nuk është një shkencë e vështirë. Është një aftësi që mund ta zhvilloni lehtësisht në kohën tuaj të lirë duke lexuar libra nga investitorët më të suksesshëm. Duke ndjekur vetëm disa rregulla të thjeshta, mund të ndryshoni plotësisht të ardhmen tuaj financiare. Gjëja më e vështirë për financat personale dhe investimin është terminologjia e përdorur. Bota e investimeve përdor me qëllim terma komplekse për gjëra relativisht të thjeshta për ta bërë atë të duket si shkencë e lartë. Është thelbësore të mësoni të gjithë këto terma dhe të bëheni të arsimuar financiarisht.

Duke e bërë gjithçka super të komplikuar dhe frikësuese, menaxherët e investimeve shpresojnë që ju të keni shumë frikë të investoni vetë dhe në vend të kësaj t’ua dorëzoni atyre paratë tuaja. Si rezultat, ata përfitojnë shumë nga trajtimi i parave tuaja, pavarësisht se afërsisht 80% e menaxherëve aktivë financiarë nuk performojnë mirë një portofol të fondeve të indeksit pasiv.

Në përgjithësi, merrni kontrollin e plotë mbi paratë tuaja dhe mësoni gjithçka rreth financave personale dhe investimeve. Mësoni rreth kursimeve, inflacionit, aksioneve, fondeve të indeksit, kriptove, pasurive të paluajtshme dhe po, taksave. Zotërimi i këtyre aftësive financiare mund të jetë vërtet ndryshim i jetës.

Video Production

Qoftë në marketing, krijimin e përmbajtjes ose aspekte të tjera të biznesit, video production po bëhet gjithnjë e më i rëndësishëm. Duke qenë se zakonisht është një detyrë që kërkon shumë kohë dhe aftësi shumë specifike, është një nga detyrat e para për të cilat kompanitë punësojnë freelancers. Në përgjithësi, prodhimi i videove është një aftësi me të ardhura të larta, sepse kërkon aftësi unike. Qoftë redaktimi i videove për kurse online, prodhimi i reklamave video, apo çdo formë tjetër prodhimi video, është në kërkesë të lartë.

Graphic Design

Ashtu si prodhimi i videove, graphic design është një aftësi kaq specifike saqë kërkohet shumë. Pavarësisht nëse është dizejnimi i logove, aseteve të marketingut vizual, apo edhe prezantimeve në PowerPoint, kur mund të bëni dizajne të bukura, kjo priret të kompensohet shumë.

Kodimi

Në një mjedis biznesi që po bëhet gjithnjë e më digjital, kodimi bëhet një aftësi gjithnjë e më e vlefshme. Në ditët e sotme, shumica e bizneseve kanë nevojë për një aplikacion, faqe interneti ose program softuerik dhe ata janë të gatshëm të shpenzojnë shumë para për të.

The post 8 aftësi që mund t’i mësoni në kohën e lirë, sjellin të ardhura appeared first on Fast News Economy.